Avenue Amélie

Avenue Amélie

Ënnerhal vu(n)	Service Voirie vun der Stad Lëtzebuerg
Situatioun
Land	Lëtzebuerg
Gemeng	Lëtzebuerg
Quartier(en)	Uewerstad
Postcode	L-1125
Koordinaten	49°36'48,2"N, 6°7'33,1"O
Morphologie
Längt	135 m
Héicht i. M.	307 m
Geschicht
Genannt	21. Juli 1877
Genannt no	Amalia vu Sachsen-Weimar-Eisenach

D'Avenue Amélie ass eng Strooss an der Uewerstad vun der Stad Lëtzebuerg. Se geet vum Boulevard Prince Henri a Richtung Süd-osten iwwer de Boulevard Royal bis virun d'Fënsterschlass um Eck Biedergaass an Aldringerstrooss.

Déi zwéin eenzeg Haiser an der Strooss (Nummer 2 an 3) leien am Ufank, um Eck vum Boulevard Prince Henri, vis-à-vis vum Amalia-Monument. Am ëstlechen Deel, um Eck mam Boulevard Royal louch fréier den Hotel Brasseur.

D'Strooss ass beim Schleefe vun der Festung um Terrain vum fréiere Reduit Marie ugeluecht ginn a se gouf 1877 no der Amalia vu Sachsen-Weimar-Eisenach, der Fra vum Prënz Henri vun Oranien-Nassau genannt.

Ënner der däitscher Besatzung (1940 - 1944) huet d'Strooss „Amalienstraße” geheescht.

Biller

• 
  D'Prinzessin Amalia, no där d'Strooss genannt gouf
• 
  Villa (Haus Nr 2)
• 
  Villa (Haus Nr 3)

Um Spaweck

Commons: Avenue Amélie – Biller, Videoen oder Audiodateien

• D'Avenue Amélie an Ons Stad N° 2, 1979, S.30-31.