Avenue Jean-Pierre-Pescatore

Vu Wikipedia
Wiesselen op: Navigatioun, sichen
Avenue Jean-Pierre Pescatore
Luxembourg, avenue J-P Pescatore - nom de rue.JPG
Numm fr: Avenue Jean-Pierre Pescatore
Fréieren Numm de: Pescatoreallee
Längt ca. 245 m
Gemeng Lëtzebuerg
Uertschaft Lëtzebuerg
Quartier Uewerstad
Postcode 2324
Koordinaten 49° 36’ 53.1’’ N
     06° 07’ 43.5’’ O

D'Avenue Jean-Pierre Pescatore an der Uewerstad vun der Stad Lëtzebuerg geet vun der Biederplaz a Richtung Norde fort, iwwer de Boulevard Royal an dann als Sakgaass bis bei de Säitenagank vun der Fondation Pescatore.

Am Ufank vun der Avenue, um Eck mat der Biedergaass, läit lénkerhand d'Badanstalt an nom Iwwerquiere vum Boulevard Royal, rietserhand d'Gebai vun der Banque centrale. Nërdlech vum Boulevard Prince-Henri deelt d'Avenue de Pescatore-Park; um Wupp ass e klenge Rond-point fir d'Kéier ze maachen.

Am rietsen Deel vum Park steet de Bam vum Prënz Jean, e bemierkenswäerte Käschtebam an d'Skulptur Le passe-muraille vum Jean-Bernard Métais. Um ëstlechen Wupp geet d'Foussgängerbréck iwwer den Eecherbierg bis bei de Lift mat deem een an de Pafendall fuere kann.

D'Strooss krut hiren Numm als Undenken un de Geschäftsmann a Mäzen Jean-Pierre Pescatore deen der Stad Lëtzebuerg ë. a. eng hallef Millioun Frang vermaach hat, fir domat en Altersheem ze bauen, déi spéider „Fondation Pescatore“.

Ënner der däitscher Besatzung (1940 - 1944) huet d'Strooss „Pescatoreallee” geheescht[1].

Biller[änneren | Quelltext änneren]

Um Spaweck[änneren | Quelltext änneren]

Commons: Avenue Jean-Pierre-Pescatore – Biller, Videoen oder Audiodateien


Referenzen an Notten[Quelltext änneren]

  1. Guy May, 2002. Die Straßennamen der Stadt Luxemburg unter deutscher Besatzung (1940-1944). Ons stad 71: 30-32.