Bënzert

Vu Wikipedia
Op d'Navigatioun wiesselen Op d'Siche wiesselen
Bënzert
An anere Sproochen fr: Binzrath
de: Binzrath
Land Lëtzebuerg
Kanton Miersch
Gemeng Coat of arms mersch luxbrg.png Miersch
Buergermeeschter Michel Malherbe (DP)
Koordinaten 49° 45’ 11’’ N
06° 08’ 22’’ O


Bënzert ass e Lieu-dit an der Gemeng Miersch.

Bënzert läit um CR118 zimlech genee an der Mëtt tëscht Miersch an Aangelsbierg. Bis an d'1960er Jore stoungen do just zwee Haiser, dat eent war e Bauerenhaus mat Ställ a Scheier, dat anert war e Privathaus an deem an den 1950er Joren eng Wiertschaft mat Wunneng war. Déi zwee Haiser louche Richtung Aangelsbierg op der lénkser Säit. Op der rietser Säit gouf Mëtt der 1960er Jore vun enger Märeler Famill, dem fréiere Chef vun ELF-Lëtzebuerg a Proprietär vum zweeten Haus, een Haus gebaut dat si als Wochenenn- a Vakanzenhaus benotzt hunn. Vun der Strooss aus gesäit ee bis haut nëmmen den Dach vun dem Gebai. Ufanks der 1990er Jore gouf d'Bauerenhaus ofgerappt an déi Plaz gëtt haut als Splitter- a Sanddepot benotzt. Erhale blouwe just déi fréier Gaardemaueren.

Well d'Distanz tëscht Bënzert an den zwou Uertschafte Miersch an Aangelsbierg ze grouss war, gouf et keen Uschloss un d'Waasserleitungsnetz an d'Bauerenhaus op d'mannst huet Waasser aus enger Quell aus dem Bësch dohanner mat engem einfache Rouersystem opgefaangen. Wéi déi Quell du kee Waasser méi geliwwert huet gouf beim Haus selwer eng ënnerierdesch Quell duerch ee vun Hand ausgehuewenen 12-Meter Pëtz ugezaapt. Aus uewegenannte Grënn gouf et am Bauerenhaus och kéng sanitär Anlagen an et huet ee missen an de Gaart op e "Plumpshaische" goen.

Kuckt och[änneren | Quelltext änneren]