Benotzer Diskussioun:ChrisAWeber

Moie ChrisAWeber, wëllkomm op der Wikipedia op Lëtzebuergesch! Villmools Merci fir Äert Intressi un der Wikipedia! Mir schaffen hei zesummen dorun, eng fräi zougänglech, gratis, neutral a méiglechst ausféierlech Enzyklopedie a Lëtzebuerger Sprooch op d'Been ze setzen. All Mataarbecht ass wëllkomm, déi dëst Zil méi no bréngt: sief dat, en Tippfeeler ze verbesseren, eng Informatioun dobäizesetzen oder z'aktualiséieren, oder carrement en neien Artikel ze schreiwen! Fir datt d'Artikelen e Minimum un Eenheetlechkeet hunn, an och, fir Krittären ze hunn, wat heihi gehéiert a wat net, hu mer eis eng Rëtsch Reegelen oder Konventioune ginn. Wann Dir hei ganz nei sidd, huelt Iech wgl. een Ament Zäit, fir hei drënner ze liesen, wéi een déi éischt Schrëtt mécht. Loosst Iech awer net doduerch ofschrecken: et ass manner komplizéiert, wéi et op den éischte Bléck ausgesäit! Aner Mataarbechter paken och am Ufank gär eng Hand mat un, wat Formatéierungen oder Zweiwele mat der Orthographie ubelaangt. Et gëtt keen hei gestengegt, wann e sech iert ;-) Déi wichtegst "Reegel" ass: "Sief kéng!" Éischt Schrëtt An e puer Schrëtt léieren, wéi een en Artikel uleet oder ännert. Sandkaul Fir mam Layout z'experimentéieren, ouni "richteg" Säiten op d'Kopp ze geheien. Reegelen a Konventiounen Rotschléi fir dëst an dat. Staminee Fir Froen oder Commentairen iwwer d'Wikipedia. Wat Wikipedia net ass Dacks gemaacht Feeler oder Mëssverständnesser. Dacks gestallt Froen (FAQ) Äntwerten op déi heefegst Froen. Wéi ee Lëtzebuergesch schreift Eis Schreifweis einfach an an e puer Punkten erkläert. Dës Säit ass Är perséinlech Diskussiounssäit. All Mataarbechter huet sou eng, an et ass d'Plaz, fir Messagë vun anere Mataarbechter ze kréien, resp. ze hannerloossen. Wëllt Dir engem anere Mataarbechter schreiwen, maacht dat op senger Diskussiounssäit, an ënnerschreift mat 4 Tilden (sou: ~~~~) oder klickt op e Knäppche wéi deen hei: . Ofgeschéckt gëtt da mam Klicken op "Säit späicheren". Vill Spaass, an op eng gutt Zesummenaarbecht!

Moien,

Dir hutt vill Fotoen eropgelueden déi op der Websäit vum CIBETT ze fanne sinn. Déi Websäit steet awer dommerweis ënner Copyright. Et kéint demno liicht méiglech sinn datt Är Fotoen iergendwann eng Kéier als fräi Biller contestéiert a geläscht ginn.

--Les Meloures (Diskussioun) 11:57, 22. Nov. 2017 (UTC)

Gudden Owend, io ech weess, ech hun se och vum Site geholl. Ech schaffen nämlech am CIBETT, dowéngst krut ech och d'Autorisatioun vun méngem Viirgesetzten, dass ech déi Fotoen därf benotzen an och op den Wikipedia dierf setzen.

Ech hätt nach eng aaner kleng Froo, iwwert eppes waat mëch bëssen nervt. Ech setzen déi verschidden Fotoen ëmmer ënnert den "zugehöregen" Text (Beispill: "...an den Garagen befannen sëch d'Asazgefierer..." an do ënnendrënner setzen ech dann d'Foto vun der Garage. Daat klappt dann och esou. Wann ech awer eng Zäitchen drop rëm op Wikipedia kucken gin, dann stin se rëm all beieneen iwwert dem ganzen Text... Kënnt dir mir do villäicht weiderhëllefen?

Villmosl Merci an bescht Gréiß

Chris--ChrisAWeber (Diskussioun) 22:01, 22. Nov. 2017 (UTC)

Moien

Mat de Fotoen ass dat net sou einfach. Wann en op Wikipedia Fotoen eropluet da muss ee selwer d'Rechter dervun hunn, dat heescht et muss een d'Foto selwer gemaach hunn, oder et muss een d'Erlaabnes vum Fotograf hunn. D'Autorisatioun vum Virgesetzte geet net duer, well dee jo sécher d'Fotoen net selwer gemaach huet. Wann de Fotograf seng Rechter wëll ofginn da muss dat iwwer ORTS dokumentéiert ginn. Dofir ass et am einfachsten et mécht ee seng biller selwer.

Zu der Plaz vun de Fotoen am Text ass dat heiten ze soen. Et ass schlecht fir Fotoen am Text op déi Plaz ze setzen, wou ee mengt datt se higehéieren. Dat huet zwou Ursachen: 1) An de meeschte Fäll iwwerhëlt de System déi Plaz guer net (wann z.B. nach aner Fotoen do stinn) an 2) bréngt et mat sech datt d'Biller schlecht gruppéiert sinn. Besonnesch wann net vill Text do steet kritt een zevill Loftlächer am Text.

--Les Meloures (Diskussioun) 09:21, 23. Nov. 2017 (UTC)

Remoien

Dat einfachst wier einfach nei Biller ze maachen, well et sinn der och en etlech derbäi déi eng schappeg Opléisung hunn. Fir den Ament presséiert näischt, soulaang kee vun de Kontrolleren en Hoer an der Zopp fënnt. Ech kann der och eng Hand upake fir Fotoen ze maachen, sinn zimmlech dacks am Land a kann eng Kéier zu Beetebuerg laanscht kommen. --Les Meloures (Diskussioun) 08:55, 24. Nov. 2017 (UTC)