Buch am Péitrusdall, Bastioun Beck

Vu Wikipedia
Wiesselen op: Navigatioun, sichen
D'Buch bei der Bastioun Beck (Januar 2008). Duerch d'Kroun vum Bam erkennt een d'Monument vun der Gëlle Fra.

Dës Buch (Fagus sylvatica; hêtre européen; Rotbuche), déi zu de bemierkenswäerte Beem zu Lëtzebuerg gehéiert, steet op hallwer Héicht am Péitrussdall, zur Säit vun der Uewerstad hin, ënner der Bastioun Beck, ongeféier an der Mëtt tëscht der Neier Bréck an der Plaz vun der Gëlle Fra.

Am beschten erreecht een d'Buch andeems ee vun der Avenue Marie-Thérèse aus, kuerz virun der Neier Bréck an den Dall erof geet, ënner der Bréck erduerch an dann op gläicher Héicht weider, bis bei d'Elektrizitéitswierk (Transformator), dat d'Stad Lëtzebuerg do op der lénkser Säit an der Festungsanlag ageriicht huet. Riets vum Wee fält do de gesichte Bam duerch seng Mächtegkeet op.

D'Kroun vun der Buch ass ongläichméisseg entwéckelt: zum Dall hi sinn d'Äscht kräfteg a gi breet auserneen, op der anerer Säit gouf de Wuesstum duerch d'Festungsmauer ageschränkt.

Den Alter vun der Buch ass net bekannt, däerft awer sécherlech 100 Joer iwwerschreiden.

Ëm 2000 si folgend Moosse geholl ginn: Héicht 22 m; Stammdéckt op Broschthéicht: 1,30 m. E puer Joer virdru goufen d'Äscht vun enger spezialiséierter Firma geséchert.

Koordinaten: 49° 36’ 33’’ N 06° 07’ 41’’ O

Quellen[änneren | Quelltext änneren]

  • Sinner, J. et al., 2002. Les arbres remarquables. Administration des Eaux et Forêts. Musée national d'histoire naturelle. 255 S. (D'Buch aus dem Péitrusdall ass op S. 82-83 beschriwwen, mat zwou Fotoen).

Fotoen[änneren | Quelltext änneren]

Kuckt och[änneren | Quelltext änneren]