Bündnis 90/Die Grünen

Logo	Parteizentral
	Platz vor dem Neuen Tor 1 10115 Berlin Däitschland
Basisdonnéeën
Grënnungsdatum:	13. Januar 1980: Die Grünen 21. September 1991: Bündnis 90 14. Mee 1993: Fusioun
Memberen:	126.451 (2022)^[1]
Ideologie:	Gréng Politik
Europäesch Affiliatioun:	Europäesch Gréng Partei
Websäit:	www.gruene.de

D'Bündnis 90/Die Grünen (kuerz dacks Grüne genannt) ass eng däitsch politesch Partei, déi en inhaltleche Schwéierpunkt op eng ekonomesch, ekologesch a sozial nohalteg Ëmweltpolitik leet.

Die Grünen sinn am Januar 1980 zu Karlsruhe am deemolege Westdäitschland gegrënnt ginn an hunn hiren Ursprong an der Anti-Atomkraaft- an Ëmweltbeweegung, neie soziale Beweegungen an der lénkser Friddensbeweegung aus den 1970er. 1983 hu si et an den Däitsche Bundestag gepackt a vun 1985 bis 1987 hu si an enger Koalitioun mat der SPD fir d'éischt e Landesminister gestallt (de Joschka Fischer an Hessen).

D'Bündnis 90 ass aus der Friddensbeweegung an der deemoleger DDR entstanen. Si ass 1990 an de Bundestag komm. 1993 hunn dunn Die Grünen a Bündnis 90 fusionéiert.

Vun 1998 bis 2005 ware Bündnis 90/Die Grünen an enger Koalitioun mat der SPD fir d'éischt un enger Bundesregierung bedeelegt. Zënterhier si si nees an der Oppositioun. Zënter 2011 stelle si fir d'éischt e Ministerpresident (de Winfried Kretschmann a Baden-Württemberg).