Celsus vun Tréier

Celsus vun Tréier
Den Celsus vun Tréier an der Kierch vu Bruch bei Miersch
Titel
Titel	Bëschof
Biographie
Gebuer	1. Joerdausend jul.
Gestuerwen	141 Tréier
Nationalitéit	Réimescht Räich
Aner Informatiounen
Statut	Helleg
Gedenkdag	23. Februar

Den Celsus vun Tréier staamt aus enger nobeler Famill a war – sou wéi et iwwerliwwert gouf – de fënnefte Bëschof vun Tréier. A senger Amtszäit vu 14 Joer, huet hi vill Leit zum Chrëschtentum bekéiert. Hien ass ëm 141 zu Tréier gestuerwen. Well d'Bëscheef vun Tréier awer eréischt vun Enn vum 3. Jh. noweisbar sinn, ass dem Celsus seng Authentizitéit éischter legendär.

Veréierung

Géint 978 goufe Reliquien (Inventio) an der Benediktinerkierch St. Matthias zu Tréier dem Hl. Celsus zougeschriwwen. Duerno huet säi Kult sech an der Westäifel an zu Lëtzebuerg verbreet.

Dem Celsus vun Tréier säin Dag ass den 23. Februar.

Éierungen

Den Celsus war de Patréiner vun der – mëttlerweil entweiter – Kapell vu Buer an ass den Niewepatréiner vun der Kierch vu Bruch.

Kuckt och

• Lëscht vun de chrëschtlechen Hellegen
• Celsus vu Mailand

Literatur

• Emil Donckel: Der Kult des heiligen Celsus von Trier. Sein Werden, Wachsen und Vergehen, Luxemburg 1972

Um Spaweck

Commons: Celsus vun Tréier – Biller, Videoen oder Audiodateien

• Den Celsus vun Tréier am ökumeenesche Lexikon vun den Hellegen (de)
• Den Celsus am "Vollständiges Heiligen-Lexikon" (1858) (de)