Citybus Diddeleng

Citybus Diddeleng
	E Bus vun der Linn 8 an der Niddeschgaass zu Diddeleng (2023)
Typ	Busreseau
Land	Lëtzebuerg
Gemeng	Diddeleng
Bedreiwer	Voyages Émile Weber
Linnen	4
Statiounen	70
Websäit	https://www.dudelange.lu/index.php/bus/

De Citybus Diddeleng ass e kommunale Citybus-Reseau an der Gemeng Diddeleng, dee komplementar zu den TICE- an RGTR-Reseaue funktionéiert. E besteet aus véier Linnen déi all Dag fueren.

Geschicht

De Citybus Diddeleng gouf 1999 agefouert^[1] a bestoung sengerzäit aus den dräi TICE-Linnen 8, 9 an 10. Eng véiert Linn ënnert kommunaler Regie, d'Linn DudBus1, och nach Champs - Vallée genannt, ass den 1. Februar 2023 opgaangen.^[2]

Zënter der Reorganisatioun vum TICE an de Buslinnen am Süde vu Lëtzebuerg de 14. Dezember 2025, ginn déi véier Linne vum Diddelenger Citybus komplett vun der Gemeng Diddeleng geréiert^[3]. Déi ursprénglech Trajeten a Linnennummere goufe bäibehalen.

Reseau

De Reseau vum Diddelenger Citybus besteet aus véier Linnen (DudBus1, Bus 8, Bus 9 a Bus 10) déi wiertes (Méindeg bis Samschdeg) all hallef Stonn tëscht mueres 6 Auer an Hallefnuecht a sonndes all Stonn tëscht 8 an 23 Auer fueren.

De Service gëtt vun der Firma Voyages Émile Weber vu Kanech assuréiert.

Linnen

Linne vum Citybus Diddeleng (Stand: Dezember 2025)
Trajet	Wochendeeg	Takt	Bemierkung
Champs - Vallée	Méindeg – Sonndeg	30' / 60'	Ronnfaart
Greisendall - Spidol - Gare - Soibelkaul an zeréck	Méindeg – Sonndeg	30' / 60'
Skatepark P+R - Italien - Gare - Gemeng - Biereng an zeréck	Méindeg – Sonndeg	30' / 60'
Gemeng - Kräizbierg - Wolkeschdall - Gare - Gemeng	Méindeg – Sonndeg	30' / 60'	Ronnfaart