Citybus Ettelbréck

Citybus Ettelbréck
	E Gefier vum Ettelbrécker Citybus am Asaz op der Stater Linn 23
Typ	Busreseau
Land	Lëtzebuerg
Gemeng	Ettelbréck
Bedreiwer	Gemeng Ettelbréck
Opgaang	1996
Linnen	2
Statiounen	24
Websäit	https://ettelbruck.lu/citoyen/services-au-citoyen/mobilite/city-bus-nordstadbus/
	Reseau vum Citybus Ettelbréck

De Citybus Ettelbréck (eege Schreifweis City Bus) ass e kommunale Citybus-Reseau an der Gemeng Ettelbréck, dee komplementar zum RGTR-Reseau funktionéiert. E besteet aus zwou Linnen déi wiertes (Méindeg bis Samschdeg) all hallef Stonn fueren.

Geschicht

De Citybus zu Ettelbréck gouf 1996 agefouert fir d'Uertschaft Waarken an d'Quartiere Lopert a Bëschel mam Zentrum an der Gare ze verbannen. Den Objektiv ass et, fir de Leit déi keen Auto hunn z'erméiglechen an d'Stad ze fueren, oder fir déi aner dozou ze beweege fir d'Liewensqualitéit op den Auto ze verzichten.

Reseau

De Reseau vum Ettelbrécker Citybus besteet aus zwou Linnen (1, 2) déi vu méindes bis samschdes vum Terminus bei der Gare vun Ettelbréck aus fortfueren. Et sinn all kéiers Ronnfaarten, an de Fuerplang ass deelweis op dee vum Zuch ugepasst. Fir d'Linn 1 „Moor“ gëtt et zwou a fir d'Linn 2 „Lopert“ dräi Variante vum Trajet, sou datt net all Halt op all Faart ugefuer gëtt.

De Service gëtt vun der Firma WEmobility (virdrun: Voyages Wagener vu Mäerzeg) assuréiert.

Linnen

Linne vum Citybus Ettelbréck (Stand: Mee 2025)
Linn	Trajet	Wochendeeg	Takt	Bemierkung
	Gare - Moor - Cité Thill - Hall Omnisports - Bëschel - Gare	Méindeg – Samschdeg	30'	Uschloss op den RB-Zuch xx:28 an xx:58 a Richtung Lëtzebuerg
	Gare - Lopert - Camping - Gare	Méindeg – Samschdeg	30'	Uschloss op den RB-Zuch xx:58 a Richtung Lëtzebuerg