Claude Lahr

Vu Wikipedia
Op d'Navigatioun wiesselen Op d'Siche wiesselen
Claude Lahr
Gebuer 6. Februar 1962
Lëtzebuerg
Nationalitéit Lëtzebuerg
Aktivitéit Filmregisseur, Dréibuchauteur
Wikidata-logo-without-paddings.svg

De Claude Lahr, gebuer[1] de 6. Februar 1962 an der Stad Lëtzebuerg, ass e lëtzebuergesche Realisateur vun Dokumentarfilmer.

Karriär[änneren | Quelltext änneren]

De Claude Lahr huet säi Studium um Institut national supérieur des Arts du Spectacle (INSAS) zu Bréissel an der Sektioun Réalisation et Production cinéma/tv' mat engem Diplom ofgeschloss.

Hie huet als Regie-Assistent a Produktiounsleeder un enger Rëtsch vu belschen, franséischen a lëtzebuergesche Filmer a Reklamms-Spotten matgeschafft.

1997 huet hien e Kuerzfilm fir de Lëtzebuerger Pavillon op der Weltausstellung zu Lissabon 1998, Les industries de l'eau, gedréint. D'Joer drop huet hien en Documentaire a Spillfilmläng mam Titel Stol iwwer d'Lëtzebuerger Stolindustrie erausbruecht. Duerno huet en nach weider kuerz Filmer produzéiert, ënner anerem ee fir de Fonds d'urbanisation et d'aménagement du plateau de Kirchberg, éier en 2004 national Opmierksamkeet krut fir säin Documentaire Heim ins Reich iwwer d'Zäit vun der däitscher Besatzung zu Lëtzebuerg am Zweete Weltkrich. Dofir huet en 2005 mam Lëtzebuerger Filmpräis an de Kategorien "Beschte Film" a "Publikumspräis" ausgezeechent. Och kommerziell gesi war mat iwwer 25.000 Kinosspectateuren e grousse Succès.

2006 huet hie fir Arte en zweemol 52 Minutte laange Reportage zum Theema L'Europe de la défense gedréint, an donieft och nach mat Les maîtres du vent e Kuerzfilm iwwer d'Restauratioun vun der Stahlhut-Uergel an der Kierch Diddeleng.

De Claude Lahr huet d'Sitcom Weemseesdet matgeschriwwen.

Fir de Documenataire Ashcan war hien 2018 e Berode vum Regisseur.

Filmographie[änneren | Quelltext änneren]

  • 1997: Les industries de l'eau, Kuerzfilm
  • 1998: Stol
  • 1998: Habiter sur le Plateau de Kirchberg
  • 1999: Portrait d'artiste: Moritz Ney, Kuerzfilm
  • 2001: Les routes du thé, Kuerzfilm
  • 2004: Heim ins Reich
  • 2006: L'Europe de la défense
  • 2006: Les maîtres du vent
  • 2008: Énergie, le futur à contre-courant
  • 2011-12: Weemseesdet, Sitcom
  • 2015-18: 3 Episode vu Routwäissgro

Kuckt och[änneren | Quelltext änneren]

Referenzen[Quelltext änneren]

  1. Luxemburger Lexikon, 1. Oplo, 2006, S. 237