Columbia (Raumfär)

Vu Wikipedia
D'Columbia virun hirem éischte Fluch den 12. Abrëll 1981
D'Landung vun der Columbia op der Edwards Air Force Base no der Missioun STS-1
D'Columbia gëtt op engem spezielle Kettegefier op d'Startramp vum Kennedy Space Center gefouert (Mäerz 1998)

D'Raumfär Columbia war den éischte Space Shuttle vun der NASA, dee méi dacks benotzt konnt ginn. Am Mäerz 1979 gouf de Shuttle fäerdeggestallt. Den 12. Abrëll 1981 war de Start vum STS-1 fir den éischte Fluch vun engem Spaceshuttle. Déi intern Bezeechnung war OV-102, woubäi OV fir Orbiter Vehicle steet. D'Columbia war den 1. Februar 2003 bei hirem 28. Weltraumasaz (Missioun STS-107) beim Neesantrëtt an d'Äerdatmosphär auseneegebrach. Déi siwe Crewmembere koumen dobäi all ëm d'Liewen.

D'Raumfär gouf – wéi d'Entdeckerschëff vum amerikanesche Séifuerer Robert Gray an d'Kommandokapsel vun Apollo 11 – no der poetescher Bezeechnung vun Nordamerika aus dem 18. Joerhonnert genannt. D'Columbia war ausserdeem déi weiblech Personifizéierung vun den USA.

Geschicht[änneren | Quelltext änneren]

Den 12. Abrëll 1981 huet d'Columbia mam Fluch STS-1 den éischten Asaz vun engem Space Shuttle am Weltraum ënner dem Kommando vum John Young absolvéiert. Et war déi éischt Kéier an der Geschicht vun der NASA, datt en neit Raumschëff ouni onbemannt Tester gestart gouf. Ofgesi vu Schied un den Hëtzschutzplättercher war den éischte Fluch vum Space Shuttle reiwungslos ofgelaf.

Déi nächst véier Space-Shuttle-Flich goufen och mat der Columbia gemaach. Zu de spéidere Missiounen hunn ënner anerem déi drëtt Hubble-Servicing Mission STS-109 souwéi déi däitsch D2-Missioun mam Spacelab gehéiert. Well si wéinst hirer schwéierer Bauweis eppes manner Notzlaascht konnt droen an net mat engem Undockadapter fir d'International Raumstatioun ausgerëscht war, gouf si zu lescht virun allem fir déi Missioune benotzt, bei deenen d'ISS net ugeflu gouf.

  Haaptartikel zu dësem Theema: STS-107 


D'Columbia war um Réckwee vun hirer 28. Missioun (STS-107) op de Kennedy Space Center, der US-Weltraumgare, wou si den 1. Februar 2003 géint 8:59 Auer Uertszäit (14:59 Auer MEZ) an zirka 63,13 km Héicht iwwer Texas bei enger Vitess vun ongeféier Mach 18,3 respektiv 20117 km/h auseneegebrach ass. D'Ursaach war eng Iwwerhëtzung bannen an den Drofläche bis zum Schmëlze vum Material, wéinst engem Lach am Hëtzschëld, dat duerch en ofgerappte Schaumstoffdeel beim Start entstane war. Bei dësem Accident hunn déi siwe Crewmemberen all hiert Liewe verluer.

D'Columbia ass no der Challenger déi zweet NASA-Raumfähr, déi wärend enger Missioun total beschiedegt gouf. Och bei der Challenger-Katastroph war d'Crew gestuerwen.

Missiounen[änneren | Quelltext änneren]

Nr. Start Bezeechnung Emblem Crew
1 12. Abrëll 1981 STS-1 Logo vun STS-1 John Young, Robert Crippen
2 12. November 1981 STS-2 Logo vum STS-2 Joe Engle, Richard Truly
3 22. Mäerz 1982 STS-3 Logo vum STS-3 Jack Lousma, Gordon Fullerton
4 27. Juni 1982 STS-4 Logo vum STS-4 Thomas Mattingly, Henry Hartsfield
5 11. November 1982 STS-5 Logo vum STS-5 Vance Brand, Robert Overmyer, Joseph Allan, William Lenoir
6 28. November 1983 STS-9 Logo vum STS-9 John Young, Brewster Shaw, Owen Garriott, Robert Parker, Byron Lichtenberg, Ulf Merbold
7 12. Januar 1986 STS-61-C Logo vum STS-61-C Robert Gibson, Charles Bolden, Franklin Chang-Diaz, Steven Hawley, George Nelson, Robert Cenker, William Nelson
8 8. August 1989 STS-28 Logo vum STS-28 Brewster Shaw, Richard Richards, James Adamson, David Leestma, Mark Brown
9 9. Januar 1990 STS-32 Logo vum STS-32 Daniel Brandenstein, James Wetherbee, Bonnie Dunbar, David Low, Marsha Ivins
10 2. Dezember 1990 STS-35 Logo vum STS-35 Vance Brand, Guy Gardner, Jeffrey Hoffman, John Lounge, Robert Parker, Samuel Durrance, Ronald Parise
11 5. Juni 1991 STS-40 Logo vum STS-40 Bryan O'Connor, Sidney Gutierrez, James Bagian, Tamara Jernigan, Rhea Seddon, Drew Gaffney, Millie Hughes-Fulford
12 25. Juni 1992 STS-50 Logo vum STS-50 Richard Richards, Kenneth Bowersox, Bonnie Dunbar, Ellen Baker, Carl Meade, Lawrence DeLucas, Eugene Trinh
13 22. Oktober 1992 STS-52 Logo vum STS-52 James Wetherbee, Michael Baker, Charles Veach, William Shepherd, Tamara Jernigan, Steven MacLean
14 26. Abrëll 1993 STS-55 Logo vum STS-55 Steven Nagel, Terence Henricks, Jerry Ross, Charles Precourt, Bernard Harris, Ulrich Walter, Hans Schlegel
15 18. Oktober 1993 STS-58 Logo vum STS-58 John Blaha, Richard Searfoss, Rhea Seddon, William S. McArthur, David Wolf, Shannon Lucid, Martin Fettman
16 4. Mäerz 1994 STS-62 Logo vum STS-62 John Casper, Andrew Allen, Pierre Thuot, Charles Gemar, Marsha Ivins
17 8. Juli 1994 STS-65 Logo vum STS-65 Robert Cabana, James Halsell, Richard Hieb, Carl Walz, Leroy Chiao, Donald Thomas, Chiaki Mukai
18 20. Oktober 1995 STS-73 Logo vum STS-73 Kenneth Bowersox, Kent Rominger, Kathryn Thornton, Catherine Coleman, Michael López-Alegría, Fred Leslie, Albert Sacco
19 22. Februar 1996 STS-75 Logo vum STS-75 Andrew Allen, Scott Horowitz, Franklin Chang-Diaz, Maurizio Cheli, Jeffrey Hoffman, Claude Nicollier, Umberto Guidoni
20 20. Juni 1996 STS-78 Logo vum STS-78 Terence Henricks, Kevin Kreegel, Susan Helms, Richard Linnehan, Charles Brady, Jean-Jacques Favier, Robert Thirsk
21 19. November 1996 STS-80 Logo vum STS-80 Kenneth Cockrell, Kent Rominger, Tamara Jernigan, Thomas Jones, Story Musgrave
22 4. Abrëll 1997 STS-83 Logo vum STS-83 James Halsell, Susan Still-Kilrain, Janice Voss, Donald Thomas, Michael Gernhardt, Roger Crouch, Gregory Linteris
23 1. Juli 1997 STS-94 Logo vum STS-94 James Halsell, Susan Still-Kilrain, Janice Voss, Donald Thomas, Michael Gernhardt, Roger Crouch, Gregory Linteris
24 19. November 1997 STS-87 Logo vum STS-87 Kevin Kreegel, Steven Lindsey, Winston Scott, Kalpana Chawla, Takao Doi, Leonid Kadenjuk
25 13. Abrëll 1998 STS-90 Logo vum STS-90 Richard Searfoss, Scott Altman, Richard Linnehan, Dafydd Williams, Kathryn Hire, Jay Buckey, James Pawelczyk
26 23. Juli 1999 STS-93 Logo vum STS-93 Eileen Collins, Jeffrey Ashby, Steven Hawley, Catherine Coleman, Michel Tognini
27 1. Mäerz 2002 STS-109 Logo vum STS-109 Scott Altman, Duane Carey, John Grunsfeld, Nancy Currie, James Newman, Richard Linnehan, Michael Massimino
28 16. Januar 2003 STS-107 Logo vum STS-107 Rick Husband, William McCool, Michael Anderson, Kalpana Chawla, David Brown, Laurel Clark, Ilan Ramon

Kuckt och[änneren | Quelltext änneren]

Portal Astronomie

Um Spaweck[änneren | Quelltext änneren]

Commons: Raumfähr Columbia – Biller, Videoen oder Audiodateien