Déck Mënz fir de Prënz

Vu Wikipedia
Op d'Navigatioun wiesselen Op d'Siche wiesselen
Qsicon Ueberarbeiten.svg Dësen Artikel entsprécht net de Wikipediacritèrë fir en enzyklopedeschen Artikel. Dat kann dru leien datt Schreif- oder Tippfeeler dran ze fanne sinn, oder en nach net nom Stil vun engem Wikipediaartikel formatéiert gouf. Et kann och sinn, datt den Inhalt net an eng Enzyklopedie gehéiert, sou wéi en am Moment do steet. Fir ze verhënneren datt dësen Artikel eventuell geläscht gëtt, muss en onbedéngt iwwerschafft ginn.
Grond: a) kuckt de verstoppten Text fir weider Erklärungen. b) De Resumé vun der Handlung ass net iwwerall kloer.
Déck Mënz fir de Prënz
Mënz fir de Prënz 001.jpg
Land Lëtzebuerg
Sprooch Lëtzebuergesch
Erauskomm 2006
Auteur Lucien Czuga
Zeechnungen Roger Leiner
Serie Superjhemp
Band virdrun Countdown fir Kachkéisien!
Band duerno De Superjhemp an déi grouss Gefor

Déck Mënz fir de Prënz ass den 20. Album aus der Superjhemp-Serie déi vum Lucien Czuga geschriwwen a vum Roger Leiner gezeechent gouf[1]. De Comic ass am Joer 2006 erauskomm, a wéi an all Superjhemp-Serie, ginn och erëm an dësem Album aktuell Ereegnesser opgeschafft[2].

Ëm wat geet et?[änneren | Quelltext änneren]

D'Handlung fänkt am Bambibësch zu Luxusbuerg un. De K. Loor-Rosen ass mam A. Krécher op der Juegd an huet de bloen Hirsch getraff. An der Tëschenzäit schéisst de Krécher op alles wat flitt. Esou kennt et, dat hien och de Superjhemp ënner beschoss hellt. Deen erwächt am Spidol um Krichbierg a fënnt eraus, dat hie juste puer Schréipsen a Bëlzen huet.

Wärenddeem kritt dem Klengherzog Luc seng Frëndin Chin-Chin an der Maternité niewendrun hiert 1. Kand. Och de Souverain selwer ass bei der Gebuert dobäi. D'Kand soll Jhempi heeschen. A fir dat wichtegt Evenement ze feiere ginn eng Rei Kanouneschëss ofgeschoss.

Den Dag drop gëtt de Superjhemp aus dem Spidol entlooss. Zur nämmlechter Zäit, mee op enger anerer Plaz, erziele Ministeren am Regierungsrot iwwert hir Reesen, wärend si op hire Chef waarden. Virun der Dier héieren d'Huissieren e puermol en haarde “POP”. Si ginn dem Geräisch no a gesinn, datt Ministeren sech a Mini-Bëbeeë verwandelt hunn. E bësse méi spéit leie Bëbee-Ministeren am Spidol. De Prënz bemierkt iwwerdeems, dass säi klenge Jhempi geklaut gouf.

Um Policebüro iwwerleeën de Superjhemp, de Kommissär Harespel an de Schrobiltgen, wéi se de ganze Misär erëm an d'Rei bréngen. Wärenddeem mellen sech d'Entféierer mat engem Drobréif a froen e Léisegeld vu 74.312.028 Öro. De Superjhemp an de Schrobiltgen maachen sech op d'Sich no dem ominéise Courrier, deen den Drobréif geliwwert huet. Sie erwëschen de Facteur, deen se schonn aus engem Album virdru kennen, deemools war de Facteur onschëlleg. No enger kuerzer Befroung, mierke si, datt hien och d¨s Kéier näischt mam Fall ze dinn huet.

Op eemol fiert e Cyclist op engem Vëlo fort an d'Verfolgungsjuegd geet weider, laanscht de “TAJ Mittal”, iwwert „Afebréck”, wou de Cyclist Bréck duerchschneit. De Superjhemp rett de Schrobiltgen an de Cyclist entkënnt. No enger kuerzer Zäit um Boulevard “Rosewëll” geet dem Superjhemp eng Luucht op. De Bréifdréier muss awer eppes mat der Entféierung ze dinn hunn, well wien mëcht seng Tournée owes. Elo gëtt et also zwee Kidnapper, déi gäre genee déi selwecht Zomm hätten.

Beim Charel Kuddel doheem, entdeckt hien(wien?) en komescht Véidéier. Dat Déier mam Numm Brulli huet de Bopa Jhéiss aus Tralien matbruecht. Hien schéisst bei enger Bedreeung pëllenarteg Projektillen aus. Wéi keen opgepasst huet, huet sech de Metti esou eng Pëll an de Mond gestach. Den nächste Moien ass aus dem klenge Metti en erwuessenen, flotte Borscht ginn. Hien gëtt zou, dat hien eng vun deene Pëlle geschléckt huet an domat ass de mysteriéise Pouvoir vun de Pëllen opgedeckt. Dem Superjhemp schéngt et, wéi wann dat och Léisung fir de Mini-Ministère wär.

Hie(wien?) mécht sech op de Wee béi den Avant-Premier, wou de Minister Bintje probéiert, seng Kolleegen all ze ersetzen, fir d'Pëllen ze bréngen. Duerch een Zoufall flitt hie laanscht en Öro-Milliouns-Schëld, op deem steet, dat de Jackpot vu 74.312.028 Öro geknackt gouf an op Luxusbuerg geet.

De Superjhemp verfollegt eng Spuer, déi hie bei Famill Sprang-Bour féiert. Wéi hien do schellt, flücht direkt eng ominéis Gestalt. De Superjhemp hëlt d'Verfolgung op a lant am Tunnel bei Kapplësch, deen nach ënner “Route Barrée“ steet. Hien kritt de Verbriecher dann och ze fänken, dee keen aneren ass, wéi den Hexemeeschter aus dem Album Nr. 4.

An der Tëschenzäit waren sech de Kommissär Harespel an den Inspekter Schrobiltgen de Bréifdréier kropen. Op der Plaz stellt sech eraus, dass den Hexemeeschter de Papp vum Facteur ass. Deen huet e Lous fir den ÖroMillion kaaft an huet prompt gewonnen. Wëll hien d'Lous awer verluer huet, hu si de Prënz entféiert, an hunn als Léisegeld déi selwecht Zomm wéi de Gewënn gefuerdert. D'Kand gouf hinnen awer dunn nees geklaut. Nodeem de Superjhemp erzielt, dat de Verbriecher mat engem bloe Vëlo entkomm ass, erënnert sech de Facteur, dat Gemeng Äsch gratis blo Vëloen zur Verfügung stellt.

Kuerz drop zu Äsch, besicht de Superjhemp d'Buergermeeschtesch Madamm Glidia Butsch. Déi flücht doropshi mat dem bloe Vëlo a mam klénge Prënz op d'Äsch-Plage. Doduerch, dat de Superjhemp eng Kokosnoss mat engem Steen trëfft, déi op de Kapp vun der Buergermeeschtesch lant, fëllt si vum Vëlo an de klénge Prënz an d'Waasser. De Superjhemp kroopt sech de Prënz a stellt d'Buergermeeschtesch zurieds. Si gëtt doropshin zou, dat Stad Äsch Scholden huet, déi genee de selwechte Montant hunn wéi d'Léisegeld. D'Glidia Butsch gëtt vun der Police fortbruecht an de Superjhemp bréngt de klenge Jhempi nees béi seng Famill.

Nodeems de Fall ofgeschloss ass, ginn de Superjhemp an de Schrobiltgen bei de beschten Italieener an der Stad iessen.


Zeechestil[änneren | Quelltext änneren]

Dëse Comic ass an enger karikaturistescher Form gemoolt, woubäi den Detail op Persoune geriicht ass. Opfälleg ass, dat eng Rei Lëtzebuerger Perséinlechkeeten an all Superjhemp-Albumen erëm ze fannen ass[3].

Beim Superjhemp keent nach dobäi, dat d'Auteuren sech an dem Album selwer an Zeen setzen. Si diskutéiere meeschtens iwwert d'Aarbecht vun dem entspriechendem Superjhemp Band. An dësem Album setzen sech d'Auteure mat der Unzuel un Salutschëss béi enger groussherzoglecher Gebuert auserneen.

D'Panel sinn einfach gehalen a soubal déi typesch Comic-Panel Struktur opgebrach gëtt an et e bësse „chaotesch“ gëtt, weist e Feil als Hëllef ob déi richteg Liesweis. Den Album schafft och mat speziell Aarte vu Panels, wéi zum Beispill dem Splash Panel. Splash Panels si massiv Panels, déi de gréissten Deel vun der Säit anhuelen. Den Zweck vun deene Panels ass et, eng Zeen besonnesch ze betounen[4]. An dësem Album ass d'Zeen vum Gebai Taj Mittal esou e Splash Panel.

D'Spriechblosen an d'Schrëft variéiere jee no Lautstäerkt oder emotionalen Zoustand vun der jeeweileger Persoun.

Kuckt och[änneren | Quelltext änneren]



Referenzen an Notten[Quelltext änneren]

  1. http://cube.helm.lu/myweb/sj.htm Zougrëff: 18. Dezember 2019
  2. http://comicgate.de/hintergrund/de-superjhemp-grosses-comic-phaenomen-in-einem-kleinen-land/ Zougrëff: 19. Dezember 2019
  3. http://www.land.lu/page/article/295/1295/DEU/index.html Zougrëff: 22. Dezember 2019
  4. https://tvtropes.org/pmwiki/pmwiki.php/Main/SplashPanel Zougrëff: 22. Dezember 2019