Dag vum Bam

Vu Wikipedia
Wiesselen op: Navigatioun, sichen
Offiziell Plantatioun vun enger Stilleech um Flouer zu Stengefort den 10. November 2012.

Den Dag vum Bam ass en Dag am Joer op deem d'Leit opgeruff gi Beem ze planzen. E gëtt weltwäit a ronn 35 Länner[1] , meeschtens am Fréijoer oder am Hierscht, organiséiert. An eenzelne Länner gëtt en offiziell "Nationalen Dag vum Bam" genannt.

Zu Lëtzebuerg gouf den Dag vum Bam 1991 ënner dem Numm Journée nationale de l'arbre agefouert a gëtt zanterhier all Joer op engem Samschdeg ufanks November vun der Stëftung Hëllef fir d'Natur vun natur&ëmwelt organiséiert.

Historique[änneren | Quelltext änneren]

Den Dag vum Bam geet op eng Initiativ vum amerikanesche Journalist Julius Sterling Morton am Joer 1872 am Nebraska zréck. 20 Joer duerno gouf et en an alle Staate vun den USA.[2]

De 27. November 1951 hunn d'Vereent Natiounen den internationalen Dag vum Bam agefouert.

Den nationalen Dag vum Bam zu Lëtzebuerg[änneren | Quelltext änneren]

Zu Lëtzebuerg gouf den Dag vum Bam 1991 ënner dem offiziellen Numm Journée nationale de l'arbre vun der Stëftung Hëllef fir d'Natur agefouert. E gëtt zanterhier all Joer am November, am Prinzip um zweete Samschdeg am Mount, organiséiert, dat an Zesummenaarbecht mat aneren Naturschutzorganisatiounen, mam Ëmweltministère an enger Rëtsch Gemengen.

Zanter 1997 huet de Groussherzog Jean de Patronage vum Dag iwwerholl.

Eenzel Persoune kënne participéieren an deem se selwer een oder méi Beem planzen, beim offizielle Planze vu Beem an Hecken an de Gemengen hëllefen, oder awer en Don un d'Stëftung Hëllef fir d'Natur iwwerweisen.[3]

Offiziell Plantatiounen[änneren | Quelltext änneren]

All Joer gëtt um Dag vum Bam an enger Gemeng e Bam vum Buergermeeschter, dem zoustännege Minister a vum President vun der Stëftung Hëllef fir d'Natur geplanzt.

...

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[änneren | Quelltext änneren]

  1. Cf. d'd'Websäit Arbor Day around the World
  2. Cf. den Historique op der Websäit vun der Arbor Day Foundation
  3. Cf. den Depliant vum Dag vum Bam 2011. E kann als PDF vun der Websäit vun natur&ëmwelt erofgeluede ginn.
  4. Websäit vun natur&ëmwelt
  5. Luxemburger Wort vum 12. November, S. 11.
  6. Websäit vun der Lëtzebuerger Regierung