David J. Tholen
| David J. Tholen | |
|---|---|
| Gebuer |
31. Juli 1955 Huntsville |
| Nationalitéit | USA |
| Educatioun | University of Arizona |
| Aktivitéit | Astronom, Fuerscher |
| Member vun | International Astronomesch Unioun |
 | |
Den David James Tholen, gebuer den 31. Juli 1955 ass en US-amerikaneschen Astronom. Hien huet 1984 op der Universitéit vun Arizona promovéiert.
Iwwersiicht[änneren | Quelltext änneren]
Hie schafft am Institute for Astronomy vun der Universitéit vun Hawaii op de Gebidder Planetologie an Astronomie vum Sonnesystem. Tëscht 1981 an 2006 huet hien am Ganze 37 Asteroiden identifizéiert oder matentdeckt.[1]
1995 hat hien e Bild vum nei entdeckte Koméit Hale-Bopp zu engem Zäitpunkt gemaach, an deem de Koméit sech am Verhältnes zu de Stären am Hannergrond ganz lues beweegt huet. D'Resultat vun den Deelbiller déi mat Rout-, Gréng- a Gielfilteren opgeholl, an zu engem Faarfbild zesummegesat goufen, ass op der Websäit vum Institute for Astronomy publizéiert ginn.
Auszeechnungen an Entdeckungen[änneren | Quelltext änneren]
- 1984 huet den Tholen een nach no him genannt Klassifikatiounsschema mat 14 Klasse fir d'Klassifizéierung vun Asteroiden no hire Spektraleegeschafte gemaach.[2]
- 1987 gouf en Asteroid (3255) Tholen wéinst dem Tholen senger Aarbecht iwwer d'Planetologie no him genannt.
- 1990 krut hien den Harold C. Urey Prize in Planetary Science vun der American Astronomical Society.[3]
- 2002, gouf hien als ee vu fënnef Wëssenschaftler, mam "Gene Shoemaker Near Earth Object Grant" ausgezeechent.
- Als wuel wichtegst Entdeckung gëllt d'Matentdeckung vum Asteroid (99942) Apophis (virdru besser bekannt ënner senger virleefeger Bezeechnung 2004 MN4) zesumme mam Roy Tucker an dem Fabrizio Bernardi vun der Universitéit Hawaii. Den Asteroid soll den 13. Abrëll 2029 ganz no bei d'Äerd kommen.
