Denis vu Paräis

Denis vu Paräis
Titel
Biographie
Gebuer	3. Joerhonnert jul.
Gestuerwen	250 jul.; Lutetia
Doudesursaach	Käppen
Graf	Kathedral vu Saint-Denis
Nationalitéit	Réimescht Räich
Aktivitéit	kathoulesche Priister,; kathoulesche Bëschof
Aner Informatiounen
Gedenkdag	9. Oktober

Den Denis oder Dionysius vu Paräis war am 3. Joerhonnert e Missionnaire a Gallien, deen éischte Bëschof vu Paräis an e Märtyrer.

Hie gëtt vun der orthodoxen, der kathoulescher an der anglikanescher Kierch als Hellege veréiert an ass ee vun de Véierzéng Nouthellegen.

Liewen

Den Denis/Dionysius gouf an der Mëtt vum 3. Joerhonnert, ëm 250 vum Poopst Fabianus mat sechs anere Bëscheef vu Roum aus als Missionar a Gallie geschéckt. Dem Grégoire vun Tours no war den Denis ëm 250 Bëschof vu Lutetia (Paräis). De réimesche Prefekt huet den Uerder ginn, fir den Denis a seng zwéi Begleeder Rustique an Eleuthère ze käppen. Der Legend no hätt den Denis no senger Exekutioun um Montmartre säi Kapp opgeraf, en an enger Quell gewäsch, a wier da mam Kapp am Grapp sechs Kilometer Richtung Norde getrëppelt, bis op déi Plaz, wou e wollt begruewe ginn. Do huet dann och de fränkesche Kinnek Dagobert I. 626 d'Abtei an d'Basilika Saint-Denis baue gelooss, wou an de Joerhonnerten dono vill franséisch Kinneke begruewe goufen.

Wéinst dëser legendärer Spadséieraktioun gëtt den Denis zu de Kephalophore ("Kappdréier") gezielt.

Den hl. Denis gëllt als Nationalhellege vu Frankräich an als Patréiner vun de franséische Kinneken, sou wéi vun enger Rëtsch Uertschaften, déi no him genannt goufen (ë. a. Saint-Denis bei Paräis an op der Réunion). Säi Gedenkdag ass den 9. Oktober.

Ikonographie

Hie gëtt gewéinlech a Molerei a Skulptur als Bëschof mam sengem Kapp am Grapp duergestallt.

Kuckt och

Um Spaweck

Commons: Denis vu Paräis – Biller, Videoen oder Audiodateien