Op den Inhalt sprangen

Depeche Mode

Vu Wikipedia
Depeche Mode
Museksgenre Synthie Pop, New Wave, Alternative Rock, Elektro-Rock
Land Vereenegt Kinnekräich
Grënnung 1980
Websäit https://www.depechemode.com/

Depeche Mode ass eng englesch Museksband, déi 1980 zu Basildon, am Essex, gegrënnt gouf. Den Numm kënnt vun enger franséischer Moudenzäitschrëft, Dépêche mode, hier. Se war besonnesch an den 1980er Jore mat hiren New Wave Synthi-Pop Lidder wéi People Are People, Master and Servant oder You Just Can't Get Enough bekannt. Am Ganzen huet se weltwäit ronn 100 Millioune Placke verkaaft.

Déi ursprénglech Membere waren den Dave Gahan, de Martin Gore, den Andy Fletcher an de Vince Clarke. De Clarke ass 1981 senger Wee gaangen, an huet du bei de Bands Yazoo an Erasure matgemaach. Nom Fletcher sengem Doud, 2022, besteet d'Band ewell aus dem Dave Gahan an dem Martin Gore.

Zu Lëtzebuerg

[änneren | Quelltext änneren]

Hiren éischten Optrëtt zu Lëtzebuerg hat Depeche Mode den 30. Mäerz 1982 am Rainbow Club, enger Disco zu Uewerkuer, virun 250 Leit. De Concert gouf vun RTL opgeholl.

En Instrumentalstéck, dat kuerz dono erauskoum, krut den Titel Oberkorn (It's a small town). E soll op eng Ausso vun engem Garçon zeréckgoen, deen de Gore den Dag nom Optrëtt gefrot hat, ob se mueres beim Kaffi Eeër kéinte kréien. D'Äntwert war: „This is not possible. It's a small town!“[1]

De 6. Mee 2009 si s'och an der Rockhal opgetrueden.[2]

Studioalbummem
  • Speak & Spell (1981)
  • A Broken Frame (1982)
  • Construction Time Again (1983)
  • Some Great Reward (1984)
  • Black Celebration (1986)
  • Music for the Masses (1987)
  • Violator (1990)
  • Songs of Faith and Devotion (1993)
  • Ultra (1997)
  • Exciter (2001)
  • Playing the Angel (2005)
  • Sounds of the Universe (2009)
  • Delta Machine (2013)
  • Spirit (2017)
  • Memento Mori (2023)
 Commons: Depeche Mode – Biller, Videoen an Audiodateien

Referenzen

[Quelltext änneren]
  1. ↑ Josh Oudendijk: "Video footage of 1982: The day Depeche Mode played the Rainbow Club in Oberkorn." today.rtl.lu, 06.12.2020 (mat Video vum Optrëtt).
  2. ↑ "Depeche Mode repasse par le Luxembourg... 27 ans après." lessentiel.lu, 05.05.2009.