Dräilännereck

Lëtzebuergesch-belsch-franséischen Dräilännereck bei Rodange.

Lëtzebuergesch-däitsch-franséischen Dräilännereck un/an der Musel bei Schengen.

Fréiere belsch-lëtzebuergesch-preiseschen Dräilännereck op der Schmëdd, ëm 1910.

Fréieren Dräilännereck op der Schmëtt am Joer 2010. Lénks d'Gossemaark LB286 riets déi stenge Maark LB75

En Dräilännereck ass dee geographesche Punkt, wou dräi Grenze vu gläichem Rang an domat och dräi gläichaarteg Territoiren (Staaten, Regiounen, ...) openee stoussen.

D'Zuel vun den Dräilännerecken hänkt vun der Zuel vun den Noperen of, ma och dovun, wéi vill Miergrenzen do sinn.

Sou huet zum Beispill Éisträich 9 Dräilännerecken, Däitschland der 7, d'Schwäiz der 6 a Frankräich der 4. Lëtzebuerg huet der 3, Dänemark a Portugal dogéint keen eenzegen.

Inhaltsverzeechnes

1 Lëtzebuerger Dräilännerecken haut (no 1919)
2 Lëtzebuerger Dräilännerecke fréier (virun 1919)
3 Kuckt och
4 Um Spaweck

Lëtzebuerger Dräilännerecken haut (no 1919)[änneren | Quelltext änneren]

Belsch-Frankräich-Lëtzebuerg, bei Éibeng (Aubange), Mäertesbierg (Mont-Saint-Martin) a Rodange;
Däitschland-Belsch-Lëtzebuerg, bei Sevenig, Ouren a Léiler;
Frankräich-Däitschland-Lëtzebuerg, bei Opech (Apach), Perl a Schengen.

Lëtzebuerger Dräilännerecke fréier (virun 1919)[änneren | Quelltext änneren]

Déi zwéin Dräilännerecken, déi Lëtzebuerg mat Däitschland huet, gëtt et sou, wéi mer se haut kennen, eréischt zanter 1919:

Als Folleg vum Éischte Weltkrich goung Elsass-Loutrengen vun Däitschland hannescht u Frankräich. Virdru war den Däilännereck mat Frankräich bei Bieles (do, wou haut d'Limite vun den Departementer Moselle a Meurthe-et-Moselle u Lëtzebuerg stéisst).

Och op der Nordgrenz gouf et Ännerungen, wéi Territoirë vu Preisen un d'Belsch goungen. Virdru war den Dräilännereck op der Schmëdd (Koordinaten: 50° 10’ 58’’ N 06° 01’ 29’’ O).