Dumontshaff

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
D'Wunnhaus am Juni 2009

Den Dumontshaff ass e fréiere Baurenhaff an der Gemeng Schëffleng.

Zanter 2002 huet d'Associatioun ProActif hire Sëtz an och d'Büroe vun hirer Direktioun am Wunnhaus vum fréieren Haff.[1]

Den Dumontshaff huet enger Naturschutzzon, déi ëstlech vum Haff läit, hiren Numm ginn (offiziell: Zone naturelle Dumontshaff).

Den Dumontshaff an och d'Naturschutzzon leien am Natura 2000-Gebitt "Ieweschten Uelzechtdall".

Geschicht[änneren | Quelltext änneren]

Den Dumontshaff huet fréier zu Udeng gehéiert, engem Duerf an der Par Schëffleng mat nëmme véier Haiser, dat zanterhier verschwonnen ass. E Stroossennumm zu Schëffleng (rue de Hédange) erënnert nach un d'Duerf.[1]

Dem René Klein senge Fuerschungen no war 1254 den Zolwer Här (wuel den Theoderich I.) Proprietär vun der Uertschaft Udeng, an 1296 gëtt de Simon I. vu Keel do als Besëtzer ernimmt (dee war de Bouf vum Theoderich I.)[2]. Dat éischt Dokument wat konkret den Haff bei Udeng ernimmt ass vu 1717, et geet do ëm e juristesche Sträit mam Zisterzienserklouschter zu Bouneweg, deem deemools den Haff mat de Lännereie gehéiert hunn. Doraus kann ee schléissen, datt den Dumontshaff scho laang virdru bestanen huet, a warscheinlech och op d'Mëttelalter zréckgeet.[1]

Literatur[änneren | Quelltext änneren]

  • Administration de la nature et des forêts, 2011. Zone naturelle Dumontshaff. La nature mise en valeur. 116 S.

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. 1,0 1,1 1,2 Zone naturelle Dumontshaff, Admin. de la nature et des forêts, 2011, S. 104.
  2. René Klein, Wappen und Ursprung der Herren von Kayl. in: Hémecht, 27, 1975, S. 95-102