Eisebunnsstreck Scheierbësch-Brucherbierg

Eisebunnsstreck Scheierbësch-Brucherbierg

D'Streck 6k a Richtung Schëffleng. Am Hannergrond, eng Bréck vun der Collectrice du sud (A13)
Linnennummer	6k
Besëtzer	Lëtzebuerg
Bedreiwer	CFL
vu(n)	Scheierbësch
op	Brucherbierg
opgaangen	29. September 1884
Technesch Donnéeën
Längt	1,32 km
Gréisst Steigung	5 ‰
Klengste Radius	375 m
Spuerbreet	Normalspuer
Vitesslimitatioun	60 km/h
Stroumsystem	25kV Wiesselstroum
Zuchsécherungssystem	European Train Control System

D'Eisebunnsstreck Scheierbësch-Brucherbierg ass eng Eisebunnsstreck zu Lëtzebuerg. Se ass nëmmen 1,32 km laang a mécht d'Verbindung tëscht de Linne 6a a 6c, fir datt d'Zich déi aus dem Weste kommen (Esch-Uelzecht, Schëffleng) a Richtung Rëmeleng oder op d'Streck 6d fuere kënnen, ouni datt se bis an d'Gare Näerzeng an zeréck fuere mussen.

D'Trass fir d'Eisebunnsstreck Scheierbësch-Brucherbierg gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

Linn

D'Eisebunnsstreck Scheierbësch-Brucherbierg gëtt als Linn 6k bezeechent. Se leeft parallel mat der Autobunn A13 an der Vëlospist PC6.

Et leie keng Garen op der Streck.

Geschicht

D'Streck ass den 29. September 1884 vun der Compagnie des chemins de fer Prince-Henri (PH) opgemaach ginn, zur selwechter Zäit wéi d'Streck 6d vun Téiteng an de Laangegronn. Se gouf den 29. September 1960 elektrifizéiert.

Kuckt och

• Schema vun der Linn 6k (fr)
• Geschicht vun der Eisebunn zu Lëtzebuerg

Um Spaweck

Commons: Eisebunnsstreck Scheierbësch-Brucherbierg – Biller, Videoen oder Audiodateien

• Donnéeën iwwer d'Streck: Réseau Ferré Luxembourgeois - Document de Référence du Réseau 2024, Version 2.0.