Estesch Kroun

D'Estesch Kroun (EEK) war vum 1. Januar 1928 bis den 31. Dezember 2010 (ausser tëscht 1940 an 1992) déi offiziell Wärung vun Estland. Si gouf den 1. Januar 2011 mam Euro ersat, nodeems Estland der Eurozon bäigetruede war.

1 Kroun war an 100 Senti ënnerdeelt.

Geschicht

1928 bis 1940

D'Estesch Kroun gouf den 1. Januar 1928 offiziell agefouert. Virum 1. Januar 1928 hat Estland d'Estesch Mark als Wärung. Nodeems Estland am Abrëll 1940 un d'Sowjetunioun ugegliddert gouf, gouf d'Estesch Kroun duerch de Rubel ersat.

1992 bis 2010

No der Unofhängegkeet vun der Sowjetunioun gouf den 1. Januar 1992 d'Estesch Kroun erëm agefouert.

Wéi den Ëmtoschwäert zum Euro festgeluecht gouf, gouf dee mat 1 EUR = 15,6466 EEK fixéiert.

Mënzen

5 Senti
10 Senti
20 Senti
50 Senti
1 Kroun
5 Krounen

Billjeeën

Nennwäert	Recto	Verso	Erausginn
1 Kroon	de Kristjan Raud (Moler, Graphiker)	d'Toompea loss (Buerg um Doumbierg) zu Tallinn	1992
2 Krooni	de Karl Ernst vu Baer (Anthropolog, Naturfuerscher, Geograph)	Universitéit vu Tartu	1992, 2006, 2007
5 Krooni	de Paul Keres (Schachspiller)	d'Hermannsfestung vun Narva (Gebuertsuert vum Keres), Floss Narva an d'Festung vun Iwangorod (Russland)	1991, 1992, 1994
10 Krooni	de Jakob Hurt (Folklorist, Theolog, Sproochwëssenschaftler)	d'Tamme-Lauri-Eech am südesteschen Urvaste	1991, 1992, 1994, 2006, 2007
25 Krooni	den Anton Hansen Tammsaare (Schrëftsteller)	d'Vargamäe (aus dem Wierk Tõde ja õigus vum Anton Hansen Tammsaare)	1991, 1992, 2002, 2007
50 Krooni	de Rudolf Tobias (Komponist)	d'Estonia-Theater (Nationaloper a Concertshaus)	1994
100 Krooni	d'Lydia Koidula (Dichterin)	d'nordestesch Steelküst	1991, 1992, 1994, nei Sécherheetscharakteristik: 1999, 2007
500 Krooni	de Carl Robert Jakobson (Publizist, Schrëftsteller, Pädagog)	d'Rauchschwalbe (esteschen Nationalvull) iwwer der esteschen Landschaft	1991, 1994, 1996, neue Sécherheetscharakteristik: 2000, 2007

Kuckt och

Um Spaweck

Commons: Estesch Kroun – Biller, Videoen oder Audiodateien