Europäesch Allianz fir Fräiheet
| Logo | |
|---|---|
| Basisdonnéeën | |
| Grënnungsdatum: | 2010 |
| Opléisungssdatum: | onkloer |
| Parteizentral: | Birkirkara Malta[1]
|
| Ausriichtung: | Souveränismus Rietspopulismus Euroskeptizismus Nationalismus |
| Fraktioun | Europa vun den Natiounen an der Fräiheet |
| Faarf: | Blo |
| Websäit: | www.eurallfree.org |
D'Europäesch Allianz fir Fräiheet (EAF; en.: European Alliance for Freedom; fr.: Alliance européenne pour la liberté; de.: Europäische Allianz für Freiheit) war eng politesch Partei op europäeschem Niveau. Hir Membere goufen als rietskonservativ, rietspopulistesch an deelweis rietsextrem agestuuft. Haaptgemeinsamkeet vun de Membere war hiren Euroskeptizismus.
Zu hire beschten Zäiten hunn ënner anerem follgend national Parteien zur EAF gehéiert: Vlaams Belang (Belsch), Front National (Frankräich), Partei fir Fräiheet (Holland), Schweedesch Demokraten, Freiheitliche Partei Österreichs (FPÖ), Lega Nord (Italien), UKIP, etc.
D'Presidentin vum Front National (FN), d'Marine Le Pen, gouf 2012 an d'Partei opgeholl. Well et der Partei bei den Europawalen 2014 net gelongen ass, d'Critèren z'erfëlle fir kënnen eng eege Fraktioun ze bilden (25 Deputéiert aus siwe Länner), hunn den FN, d'FPÖ an d'Lega Nord eng aner Partei gegrënnt, d'Beweegung fir en Europa vun den Natiounen an de Fräiheeten, déi d'EAF ofgeléist huet.