Europa (Kontinent)

Dësen Artikel beschäftegt sech mat dem Kontinent Europa. Fir aner Bedeitungen, kuckt wgl. Europa.

Europa (Kontinent)
Satellitebild vun Europa
Geographie
Geographesch Lag	Nordhallefkugel
Besteet aus	Nordeuropa, Nordosteuropa, Südeuropa, Südosteuropa, Osteuropa, Westeuropa, Mëtteleuropa, Südwesteuropa, Nordwesteuropa, Vereenegt Kinnekräich
Länner	50
Fläch	10.186.000 km²
Héchste Punkt	Elbrus (5.642 m)
Déifste Punkt	Kaspescht Mier (-28 m)
Demographie
Awunner	744.094.971 (2025)
Bevëlkerungsdicht	34/km²
Bevëlkerungsräichst Regioun	Istanbul
Aner Informatiounen
Entdeckt	200000 Joer v. Chr.
Genannt no	Europa
Zäitzon	Europa/London

Europa, ëm 814

Europa, ëm 1097

Europa ass mat enger Fläch vun 10,19 Millioune Quadratkilometer (6,8 % vun der Landfläch vun der Äerd) hannert Australien den zweetklengste Kontinent op der Äerd. E steet awer mat geschate 744.094.971 Awunner (Stand 2025) op der drëtter Plaz wat d'Populatioun pro Kontinent ugeet.

Geographie

Europa läit op der westlechster Hallefinsel vun Eurasien.

Dem Kontinent seng Ausdeenung vum Norden an de Süden ass ongeféier 3.800 km laang; vum Ural am Oste bis op d'portugisesch Atlantikküst am Weste sinn et ongeféier 6.000 km.

Am Osten huet de Kontinent keng kloer geographesch oder geologesch Grenz mat Asien. Dowéinst sinn d'„Grenze vun Europa“ eng Fro vun engem sozialen Arrangement. Hautdesdaags gëllt d'Grenz tëscht Europa an Asie gréisstendeels esou wéi de schweedesche Kartograph Philip Johan von Strahlenberg (1677 - 1747) se 1730 festgeluecht hat. No senger Definitioun bilden den Ural (Biergketten) an de Floss mam selwechten Numm d'ëstlech Grenz vun Europa. Tëscht dem Kaspeschen an dem Schwaarze Mier leeft d'Grenzlinn duerch de Manytschbaseng nërdlech vum Kaukasus, well op deem Punkt fréier eng Mieresstrooss d'Kaspescht Mier mam Schwaarze Mier verbonnen huet. Alternativ gëtt d'Grenz och alt laanscht den Haaptkamp vum Kaukasus gezunn; dës Grenzlinn gëtt haaptsächlech an den a englesch- a franséischsproochege Länner privilegiéiert.

Extremitéite vum europäesche Festland

• Nërdlechste Punkt: Kinnarodden op der norwegescher Hallefinsel Nordkinnhalvøya,
• Südlechste Punkt: Punta de Tarifa op der Strooss vu Gibraltar a Spuenien,
• Westlechste Punkt: Cabo da Roca westlech vu Lissabon a Portugal.

Gewässer

"Top 10" vun de längste Flëss an Europa (wa se op d'mannst deelweis zum europäesche Kontinent gezielt kënne ginn):

Floss	Längt (km)	Mëndung	Anzuchsgebitt (km²)	Debit (m³/s)
Wolga	3.530	Kaspescht Mier	1.360.000	8.064
Donau	2.811	Schwaarzt Mier	795.686	6.700
Ural	2.428	Kaspescht Mier	244.280	297
Dnepr	2.285	Schwaarzt Mier	531.817	1.670
Don	1.870	Mier vun Asow	425.600	935
Petschora	1.802	Mier vu Petschora	322.000	4.379
Dnister	1.352	Schwaarzt Mier	72.100	310
Rhäin	1.233	Nordmier	185.000	2.300
Elbe	1.094	Nordmier	148.268	870
Weichsel	1047	Baltescht Mier	194.424	1.080

Bierger

Well d'Grenz am Kaukasus net kloer definéiert ass, ass et och ëmstridden zu wat fir engem Kontinent d'Bierger gezielt ginn. Aus deem Grond gëtt et hei drënner zwou Variante vun den "Top 3".

Europa oder Asien?

Bierg	Héicht	Biergketten	Staat	Bemierkungen
Elbrus	5.642 m	Kaukasus	Russland (Eurasien)	Ëmstridden, ob de Bierg zu Europa oder zu Asien gehéiert.
Dychtau	5.204 m	Kaukasus	Russland	Ëmstridden, ob de Bierg zu Europa oder zu Asien gehéiert.
Schchara	5.202 m	Kaukasus	Georgien, Russland	Georgesch-russesche Grenz. Ëmstridden, ob de Bierg zu Europa oder zu Asien gehéiert.

Europa

Bierg	Héicht	Biergketten	Staat	Bemierkungen
Mont Blanc	4.805 m	Savoyer Alpen, Alpen	Frankräich, Italien
Dufourspëtzt	4.634 m	Walliser Alpen, Alpen	CHE Schwäiz	D'Grenz mat Italien läit ongeféier 160 m. vun der Biergspëtz ewech.
Zumsteinspëtzt	4.563 m	Walliser Alpen, Alpen	CHE Schwäiz, Italien

Geschicht

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Sproochen

Sproochen an Europa

Iwwer 90 Prozent vun der europäescher Bevëlkerung schwätzen indoeuropäesch Sproochen. Am meeschte verbreet si slawesch, germanesch a romanesch Sproochen. Och Griichesch, Albanesch, déi baltesch a keltesch Sproochen, gradewéi Romani gëllen och als indoeuropäesch Sproochen.

Wann een d'Zuel vun de Mammesproochler kuckt, gëtt am meeschte Russesch, Däitsch, Franséisch, Englesch, Italieenesch, Spuenesch, Ukrainesch, Polnesch, Rumänesch an Hollännesch geschwat.

Politik

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Ekonomie

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Opdeelung

Geographesch Opdeelung

De Vereenten Natiounen no ass Europa a véier Regiounen opgedeelt:

• Nordeuropa,
• Osteuropa,
• Südeuropa,
• Westeuropa.

Deels fënnt een och nach Ënnerdeelungen:

• Nordeuropa, Nordosteuropa, Nordwesteuropa,
• Osteuropa,
• Südeuropa, Südosteuropa, Südwesteuropa,
• Westeuropa,
• Mëtteleuropa.

Länner

Jee nodeem wéi d'Grenz tëscht Europa an Asie gezu gëtt, ginn et aktuell 46 bis 49 souverän Staaten, déi ganz oder deelweis an Europa leien; d'Zougehéieregkeet vu Georgien an Aserbaidjan, souwéi d'Onofhängegkeet vum Kosovo, sinn net kloer.

Hei drënner stinn deemno fir den europäesche Kontinent:

• 47 Memberstaate vun de Vereenten Natiounen (VN) (woubäi net kloer ass, ob Georgien an den Aserbaidjan zu Europa zielen oder net)
• 1 net-Member: d'Vatikanstad, déi awer de Statut vun engem Observateur vun de VN (United Nations General Assembly observer) huet,
• 2 Länner (Kosovo, Transnistrien) deenen hir Eegenschaft als Staat ëmstridden ass.

Lëscht vun de Staaten an Europa (Stand: Juli 2025)

Nr	Staat oder Territoire	EU	Offizielle Staatsnumm	Regioun	Haaptstad	Fläch [km²]	Awunner	Bemierkung
1	Albanien		Republik Albanien	Südeuropa	Tirana	28.748	2.791.765
2	Andorra		Fürstentum Andorra	Südeuropa	Andorra la Vella	468	81.938
3	Aserbaidjan		Republik Aserbaidjan		Baku	86.600	10.336.577	just e klengen Deel an Europa; läit gréisstendeels an Asien
4	Belsch		Kinnekräich Belsch	Westeuropa	Bréissel	30.528	11.738.763
5	Bosnien an Herzegowina		Bosnien an Herzegowina	Südeuropa	Sarajevo	51.197	3.164.253
6	Bulgarien		Republik Bulgarien	Osteuropa	Sofia	110.879	6.757.689
7	Däitschland		Bundesrepublik Däitschland	Westeuropa	Berlin	357.022	84.552.242
8	Dänemark		Kinnekräich Dänemark	Nordeuropa	Kopenhagen	43.094	5.977.412	Grönland gehéiert zu Dänemark, läit awer an Nordamerika
9	Éisträich		Republik Éisträich	Westeuropa	Wien	83.871	9.120.813
10	Estland		Republik Estland	Nordeuropa	Tallinn	45.228	1.360.546
11	Finnland		Republik Finnland	Nordeuropa	Helsinki	338.145	5.617.310
12	Frankräich		Franséisch Republik	Westeuropa	Paräis	551.500	66.548.530	huet och ausser-europäesch Territoiren: Iwwerséigebidder an -Iwwerséidepartementer
13	Georgien		Georgien		Tiflis	69.700	3.807.670	just e klengen Deel an Europa; läit gréisstendeels an Asien
14	Griicheland		Hellenesch Republik	Südeuropa	Athen	131.957	10.047.817
15	Holland		Kinnekräich Holland	Westeuropa	Amsterdam (de jure)	41.543	18.228.742	huet och ausser-europäesch Territoiren: Hollännesch Iwwerséigebbider
16	Irland		Irland	Nordeuropa	Dublin	70.273	5.262.009
17	Island		Republik Island	Nordeuropa	Reykjavík	103.000	393.396
18	Italien		Italieenesch Republik	Südeuropa	Roum	301.340	59.342.867
19	Kasachstan		Republik Kasachstan		Astana	2.724.900	20.592.571	just e klengen Deel an Europa; läit gréisstendeels an Asien
–	Kosovo		Republik Kosovo		Pristina	10.887	1.684.790	kee Member vun de VN
20	Kroatien		Republik Kroatien	Südeuropa	Zagreb	56.594	3.875.325
21	Lettland		Republik Lettland	Nordeuropa	Riga	64.589	1.871.871
22	Lëtzebuerg		Groussherzogtum Lëtzebuerg	Westeuropa	Lëtzebuerg	2.586	673.036
23	Liechtenstein		Fürstentum Liechtenstein	Westeuropa	Vaduz	160	39.870
24	Litauen		Republik Litauen	Nordeuropa	Vilnius	65.300	2.859.110
25	Malta		Republik Malta	Südeuropa	Valletta	316	539.607
26	Moldawien		Republik Moldau	Osteuropa	Chișinău	33.851	3.034.961
27	Monaco		Fürstentum Monaco	Westeuropa	Monaco	2	38.631
28	Montenegro		Montenegro	Südeuropa	Podgorica	13.812	638.479
29	Nordmazedonien		Republik Nordmazedonien	Südeuropa	Skopje	25.713	1.823.009
30	Norwegen		Kinnekräich Norwegen	Nordeuropa	Oslo	323.802	5.576.660	D'Bouvetinsel gehéiert zu Norwegen, läit awer an Antarktika
31	Polen		Republik Polen	Osteuropa	Warschau	312.685	38.539.201
32	Portugal		Portugisesch Republik	Südeuropa	Lissabon	92.090	10.425.292	D'Selvagens Insele gehéieren zu Portrugal, leie geograpogesch awer an Afrika
33	Rumänien		Rumänien	Osteuropa	Bukarest	238.391	19.015.088
34	Russland		Russesch Federatioun	Osteuropa	Moskau	17.098.242	144.820.423	läit mat ronn 25 % an Europa
35	San Marino		Republik San Marino	Südeuropa	San Marino	61	33.581
36	CHE Schwäiz		Schwäizeresch Eedgenossenschaft	Westeuropa	Bern (de facto)	41.277	8.921.981
37	Schweden		Kinnekräich Schweden	Nordeuropa	Stockholm	450.295	10.606.999
38	Serbien		Republik Serbien	Südeuropa	Belgrad	77.474	6.736.216
39	Slowakei		Slowakesch Republik	Osteuropa	Bratislava	49.035	5.506.760
40	Slowenien		Republik Slowenien	Südeuropa	Ljubljana	20.273	2.118.697
41	Spuenien		Kinnekräich Spuenien	Südeuropa	Madrid	505.370	47.910.526	Kanaresch Inselen, Ceuta am Melilla gehéieren zu Spuenien, leie geograpogesch awer an Afrika
42	Tierkei		Republik Tierkei		Ankara	783.562	87.473.805	läit just mat ronn 3 % an Europa
–	Transnistrien		Transnistresch Moldauesch Republik		Tiraspol	3.567	555.000	kee Member vun de VN; keng Unerkennung vun engem Member vun de VN
43	Tschechesch Republik		Tschechesch Republik	Osteuropa	Prag	78.867	10.735.859
44	Ukrain		Ukrain	Osteuropa	Kiew	603.550	37.860.221	inklusiv der Krim an de Gebidder vun der Süd- an Ostukrain, déi 2022 vu Russland annektéiert goufen
45	Ungarn		Republik Ungarn	Osteuropa	Budapest	93.028	9.676.135
–	Vatikanstad		Staat Vatikanstad	Südeuropa	Vatikanstad	0	496	kee Member vun de VN; vëlkerrechtlech Staatsqualitéit gëtt unerkannt
46	Vereenegt Kinnekräich		Vereenegt Kinnekräich vu Groussbritannien an Nordirland	Nordeuropa	London	243.610	69.138.192	huet och ausser-europäesch Territoiren: Brittesch Iwwerséigebidder
47	Wäissrussland		Republik Wäissrussland	Osteuropa	Minsk	207.600	9.056.696

Follgend Staate ginn heiansdo aus historeschen, kulturellen oder politesche Grënn zu Europa gezielt:

• Armenien: Geschichtlech enk mat Europa verbonnen, chrëschtlech Bevëlkerung mat indoeuropäescher Sprooch a Kultur, Territoire läit geographesch an Asien;
• Israel: läit geographesch an Asien; bei kulturelle Veranstaltunge gëtt Israel dacks zu Europa gezielt (Foussball-Europameeschterschaft, Eurovision Song Contest);
• Zypern: Insel am ëstleche Mëttelmier, déi geographesch zu Asie gezielt gëtt; zanter Mee 2004 awer Member an der EU ass.

Kuckt och

• Europäesch Unioun
• Lierna am Comoséi

Um Spaweck

Commons: Europa – Biller, Videoen oder Audiodateien