Eurovision Song Contest 2002

Vu Wikipedia
47. Eurovision Song Contest
Motto A Modern Fairytale
Datum 25. Mee 2002
Stad Tallinn (Estland)
Gebai Saku Suurhall
Gewënner Marie N (Lettland)
Zuel vu Länner 24
Nei Participatiounen Keng
Moderatioun Annely Peebo a Marko Matvere
Interval Act Danzchoreographie vum Teet Kask mam Lidd "A Little Story in the Music" vum Annely Peebo a Marko Matvere "A Little Story in the Music"
Ofstëmmungsreegel All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
d'Gewënnerin, dMarie N, 2004
Saku Suurhall zu Tallinn, 2007

De 47. Eurovision Song Contest war de 25. Mee 2002 an Estland. Organiséiert gouf d'Eurovisioun dat Joer an der Saku Suurhall zu Tallinn. Presentateure waren d'Annely Peebo an de Marko Matvere.

Fir d'Zuel vun de Länner ze reduzéiere sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun dëser Reegel waren Holland, Polen, Norwegen, Island an Irland. Lëtzebuerg huet scho wéi déi 8 Joer virdru fräiwëlleg drop verzicht fir matzemaachen. Och Italien, Ungarn, d'Slowakei a d'Portugal hu fräiwëlleg net matgemaach. Am Ganze ware 24 Länner dobäi.

Verschidden Interprete ware scho virdrun emol eng Kéier dobäi, de Constantinos Christoforou (Deel vum Grupp One) fir Zypern 1996 an d'Monica Anghel fir Rumämien 1996 (Qualifikatiounsronn).

Fir d'éischt Kéier stoung de Grand Prix ënner engem Motto: A Modern Fairytale / Fairytale of Music.

D'Reegel fir d'Ofstëmmung ass d'selwecht bliwwe wéi déi Jore virdrun. An de meeschte Länner ass den Televoting duerch d'Spectateure benotzt gi fir ofzestëmmen. An Zypern, Griicheland, Spuenien, Kroatien, Malta, Slowenien a Lithauen ass d'Method mat 50 % Televoting a 50 % Jury benotzt ginn. Bosnien an Herzegowina, d'Tierkei, Rumänien, d'Republik Mazedonien a Russland hunn eng Jury fir d'Ofstëmmung benotzt. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Tallinn matgedeelt ginn.

Déi éischt Plaz kruten d'Vertrieder vu Lettland, d'Marie N mat 12 Punkte Virsprong virum Ira Losco (Malta). Déi drëtt Plaz ass gedeelt ginn vun der Sahlene, déi fir Estland ugetruede war, an der Jessica Garlick, déi fir Groussbritannien ugetruede war.

Fir Lettland war et déi éischt Kéier datt et de Grand Prix gewonnen hat.

Klassement[änneren | Quelltext änneren]

Plaz Startnr. Land Interpret Titel Punkten
01. 23 Lettland Marie N I Wanna 176
02. 20 Malta Ira Losco 7th Wonder 164
03. 02 Groussbritannien Jessica Garlick Come Back 111
03. 08 Estland Sahlene Runaway 111
05. 17 Frankräich Sandrine François Il faut du temps (Je me battrai pour ça) 104
06. 01 Zypern One Gimme 085
07. 05 Spuenien Rosa Europe's Living a Celebration 081
08. 12 Schweden Afro-dite Never Let It Go 072
09. 21 Rumänien Monica Anghel & Marcel Pavel Tell Me Why 071
10. 07 Russland Prime Minister Northern Girl 055
11. 06 Kroatien Vesna Pisarović Everything I Want 044
12. 10 Israel Sarit Hadad Light a Candle (Nadlik beyachad ner) 037
13. 15 Bosnien an Herzegowina Maja Na jastuku za dvoje 033
13. 16 Belsch Sergio & the Ladies Sister 033
13. 22 Slowenien Sestre Samo ljubezen 033
16. 19 Tierkei Buket Bengisu & Grup Safir Leylaklar soldu kalbinde 029
17. 04 Griicheland Michalis Rakintzis S.A.G.A.P.O. 027
18. 03 Éisträich Manuel Ortega Say a Word 026
19. 09 Mazedonien Karolina Od nas zavisi 025
20. 13 Finnland Laura Addicted to You 024
21. 18 Däitschland Corinna May I Can't Live Without Music 017
22. 11 Schwäiz Francine Jordi Dans le jardin de mon âme 015
23. 24 Litauen Aivaras Happy You 012
24. 14 Dänemark Malene Tell Me Who You Are 07

Déi rout markéiert Länner hunn am Joer drop (2003) wéinst hirem schlechte 5-Jores-Duerchschnëtt missen aussetzen.

Um Spaweck[änneren | Quelltext änneren]

Commons: Eurovision Song Contest 2002 – Biller, Videoen oder Audiodateien
Kopenhagen (Dänemark) Riga (Lettland)
ESC 2001 Eurovision Song Contest ESC 2003