Everyday Zulu

Vu Wikipedia
Op d'Navigatioun wiesselen Op d'Siche wiesselen

Everyday Zulu ass eng Lëtzebuerger Museksgrupp.

Everyday Zulu 1998

D'Geschicht vun Everyday Zulu.[änneren | Quelltext änneren]

Januar 1992: Den Ender Thilges (Gittar), fréiere Member vun der legendärer Lëtzebuerger Rockgrupp Nazz Nazz (mam Frontmann Thierry van Werveke), fänkt eng nei Band un. E puer Membere vun Nazz Nazz maache mat, sou z. B. de Claude Kieffer (Gittar) and den Fern Clees (Mondharmonika). Dobäi koumen den Al Werner (Keyboard), den Ender Frings (Gesang), den Dan Thurmes (Bass) an de Steve Troes (Batterie). Alleguer gutt bekannte Museker aus der deemoleger Lëtzebuerger Musekszeen.

Entwécklung vun Everyday Zulu[änneren | Quelltext änneren]

D'Grupp ronderëm den Ender Thilges war dunn 1993 op Tour an der Tschechescher Republik. Vun Ufank u war EDZ keng normal Rock & Blues Grupp, an déi éischt CD koum am Abrëll 1994 ënner dem Numm Touch the Earth eraus. Relativ séier sinn dunn awer verschidde Memberen ofgesprongen an d'Besetzung huert sech geännert. Nei Membere koumen dobäi an zanter 1995-1996 gouf mat follgende Leit gespillt.

Den talentéierten Pit Vinkowsky huet dann Band op de Wee vum Folk bruecht. Vum Joer 1998 un sinn dann déi verschidden Elementer aus Rock, Folk, Celtic Rock, Heavy Metal verschmolz an hunn zum typischen Klangbild gefouert wat haut de Sound vu Clanrock ausmécht.

Am Joer 1999 koum dann den Album Welcome to my kingdom eraus, deen och d'Basis war fir e Video Clip op Stéck Apeman. Am Joer 2000 huet Band et fäerdeg bruecht, een Top 5 Hit um lokale Radiosender RTL ze landen, an zwar mam Steck Den Essegkrou.

Den Essegkrou war wärend 12 Wochen an den Top Ten Charts vertrueden. Eng Leeschtung, déi keng aner lëtzebuergesch Band virdru fäerdeg bruecht hat. Déi follgend CD The Colour Tracks (Release 1500 CDs) war banne 4 Méint ausverkaaft.

Musek vun (demmools nach EDZ) gouf fir verschidde Reklamme benotzt, wei z. B. fir de Pub-Spot vum Lëtzebuerger Land, deen op der Expo 2000 zu Hannover gewise gouf. Verschidden Optrëtter an der lokaler Tëlee gouf et och.

Am Joer 2001 huet den Ronni Mullenders EDZ verlooss a gouf ersat durch den jonken talentéierte Bassist Max Frantzen.

Am Joer 2002 sinn se beim Rock um Knuedler opgetrueden.

Am Joer 2003 gouf en däitsche Label Nibelung Records op d'Band opmierksam an huet EDZ ënner Vertrag geholl. Aus kommerzielle Grënn gouf d'Band gefrot fir den Numm EDZ z'änneren. Dat war dann d'Grënnung vu Clanrock. Zanter 2010 ass en neien Drummer, de René, an en zweeten Dudelsackspiller, Oliver Kayser dobai komm

Iwwer all déi Joren huet EDZ a Clanrock mat follgende Gruppen gespillt: Molly Hatchet, Stan Webb, Be Sharp, Living Blues, Roger Chapman, Savoy Brown, Steppenwolf, Schandmaul, Fury in the Slaughterhouse, Company of the Snakes, Holy Moses, Pink Cream 69, In Extremo, Uriah Heep, Barclay James Harvest, Asia, an nach méi.

Diskographie[änneren | Quelltext änneren]

  • 1994, Touch the Earth (CD)
  • 1999, Made in Luxembourg (Sampler - 2xCD)
  • 1999, Welcome to my kingdom (CD)
  • 2000, RTL Planet Lëtzebuerg (Sampler - CD)
  • 2001, The colour tracks (CD)

Everyday Zulu Memberen[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]