Football-Club Résidence

FC Résidence Walfer

Offiziellen Numm:

Veräinsfaarwen:

Blo-wäiss

Grënnung:

1908

Stadion:

Stade Prince Henri,
Walfer

Plazen:

1.500

President:

Jean-Luc Santinelli

Trainer:

Patrick Oliveira Carvalho

Saison:

2024/25

Positioun:

7. Plaz

Éischt Uniform

Zweet Uniform

Ersatzuniform

De Football-Club Résidence, gekierzt F.C. Résidence, ass e lëtzebuergesche Foussballclub zu Walfer^[1]. De Club ass och nach ënnert den Nimm FC Résidence Walfer oder FC Résidence Walferdange bekannt an dacks gëtt d'Joreszuel 1908, d'Grënnungsjoer vum Club, hannen drugehaangen.

Geschicht

De Veräi gouf 1908 ënnert sengem haitegen Numm gegrënnt. Wärend der däitscher Besatzung am Zweete Weltkrich gouf de Club zwangsweis an FK 08 Walferdingen ëmbenannt. 1944 gouf en erëm an FC Résidence zeréckbenannt. Laang Zäit nëmmen an den ënneschten Divisiounen aktiv, huet den FC Résidence Walfer vun 1952 bis 1961 néng Saisonen an der Éierepromotioun gespillt. Duerno huet et 62 Joer gedauert, bis den FC Résidence Walfer am Summer 2023 nees an d'Éierepromotioun opgestigen ass.

Coupe

An der Coupe de Luxembourg koum den FC Résidence ni iwwer déi véiert Ronn weider. 2022/23 huet Walfer zwar d'Coupe FLF gewonnen, mä d'5:4-Victoire am Eelefmeterschéissen an der Finall géint den FC Koeppchen Wuermer gouf wéinst dem Asaz vun engem net spillberechtegte Spiller vum Sportsgeriicht an eng 0:3-Néierlag ëmgewandelt.

Erfolleger

Finalist vun der Coupe FLF: 2023
Opstig an d'Éierepromotioun: 1952, 2023

Um Spaweck

Commons: FC Résidence Walfer 1908 – Biller, Videoen oder Audiodateien

(lb)(en) Websäit FC Résidence Walfer 1908

Referenzen an Notten

↑ esou ageschriwwen am Handelrsegëster ënnert der Nummer F2601

[1] sou ageschriwwen am Handelrsegëster ënnert der Nummer F2601

[1]