Ferdinand Buisson

Vu Wikipedia
Wiesselen op: Navigatioun, sichen
De Ferdinand Buisson (ëm 1920).

De Ferdinand Edouard Buisson, gebuer den 20. Dezember 1841 zu Paräis a gestuerwen de 16. Februar 1932 zu Thieuloy-Saint-Antoine, am Departement Oise, war e franséische Pedagog a Politiker. Hie war e Pionéier vun der Iddi vum Vëlkerbond, Matgrënner a laang President vun der franséischer Liga fir Mënscherechter.

1927 krut hien zesumme mam Ludwig Quidde de Friddensnobelpräis.

Hie gouf vum Jules Ferry zum Generalinspekter fir d'Educatioun ernannt, an hat déi Fonctioun 17 Joer laang. Hien huet e puer Bicher iwwer Pedagogik geschriwwen a war vun 1896 bis 1906 Professer op der Sorbonne.Vun 1902 bis 1914 a vun 1919 bis 1923 war de Buisson Deputéierte vun der Parti radical .

Do dernieft war hien aktiv an der Friddensbewegung an hien huet sech fir Mënschen- a Biergerrechter engagéiert. Sou huet hie sech dofir agesat, datt de Prozess ëm den Alfred Dreyfus, bekannt als Affaire Dreyfus, nees opgemaach sollt ginn. Vun 1913 bis 1926 war de Buisson President vun der Franséischer Liga fir Mënscherechter.

1924 huet hie sech virum däitsche Reichstag dofir ausgeschwat, datt Däitschland a Frankräich sech nees verdroe sollten.

Wierker[änneren | Quelltext änneren]

  • Condorcet. Alcan, Paris 1929
  • Dictionnaire de pédagogique et d'instruction primaire. Alcan, Paris 1929
  • Education et Republique. Kimé, Paris 2003, ISBN 2-84174-293-8

Literatur[änneren | Quelltext änneren]

  • Patrick Dubois: Le dictionnaire de Ferdinand Buisson. Lang, Bern 2002, ISBN 3-906768-10-4
  • Laurence Loeffel: Ferdinand Buisson. Hachette, Paris 1999, ISBN 2-01170595-9
  • Bernhard Kupfer: Lexikon der Nobelpreisträger. Patmos Verlag, Düsseldorf 2001

Um Spaweck[änneren | Quelltext änneren]

Commons: Ferdinand Buisson – Biller, Videoen oder Audiodateien