Fluessfénk

Fluessfénk
E Fluessfénke-Männchen E Fluessfénke-Männchen
Aner Sproochen:	fr: Linotte mélodieuse, de: Bluthänfling
Systematik
Räich: Déiereräich Stamm: Chordata Klass: Vullen Uerdnung: Spatzevullen Famill: Fénken (Fringillinae) Gattung: Linaria oder Carduelis
Wëssenschaftlechen Numm
Linaria canna­bina Carduelis cannabina L., 1758

De Fluessfénk (Linaria canna­bina Syn. Carduelis cannabina), ass eng Vullena­art aus der Famill vun de Fénken (Fringil­lidae).

E lieft an Europa, Nord­afrika, am viischten an am west­lechen Zentral­asien. Et ass en ty­pesche Kultur­land­vull an ass an Traisch- an Hecke­land­schaf­ten am Déif­land doheem. Méi seele kënnt en och an den Dallregioune vun de Bierger an an den Iwwergangszone hin an de Bësch vir.

De Fluessfénk erniert sech aus dem Geseems vu wëlle Kraider a vu Beem.

En ass schlan­k, mat engem kuerzen Hals an dënne Féiss. Markant fir dës Aart ass déi iewescht Säit, déi käschtebrong ass, an de grobronge Kapp. Op der Stier an op der Broscht sinn d'Männercher karminrout, hire Bauch ass gielzeg-brong. Broscht a Bauch vun de Weibercher dogéint sinn hellgro, mat längelzeg dënne bronge Sträifen. D'Flilleken an den déif gegafelte Schwanz sinn donkelbrong mat engem wäisse Sam. Se ginn 13 bis 14 Zenti­meter grouss. D'Spanwäit vun de Flilleken ass 23 Zenti­meter, a se weien eng 15 bis 20 Gramm.

De Fluessfénk zu Lëtzebuerg

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Zu Lëtzebuerg ass de Fluessfénk vun natur&ëmwelt als Vull vum Joer 2019 erausgesicht ginn.

Biller

• 
  Männchen
• 
  Weibchen
• 
  Nascht
• Gesang

Kuckt och

• Lëscht vun de Vullen zu Lëtzebuerg

Um Spaweck

Commons: Fluessfénk – Biller, Videoen oder Audiodateien

• Depliant op luxnatur.lu