Fred A. Gilson
| Fred A. Gilson | |
|---|---|
| Gebuer |
27. Dezember 1889 Mäerzeg |
| Gestuerwen |
1. Mee 1964 Chicago |
| Alter | 74 Joer |
| Nationalitéit | USA, Lëtzebuerg |
| Aktivitéit | Geschäftsmann |
 | |
De Fred A. Gilson, gebuer als Franz Gilson de 27. Dezember 1889 zu Mäerzeg[1][2], a gestuerwen den 1. Mee 1964[3] zu Chicago[4], war e lëtzebuergesch-US-amerikanesche Geschäftsmann.[5]
Hien war vun 1902 bis 1905 zu Ettelbréck an der Akerbauschoul an ass 1906 an d'Vereenegt Staaten ausgewandert, wou en 1912 d'Nationalitéit ugeholl a sech 1915 mat der Eleanore Brons bestuet huet.[5]
1920 huet hien de Gilson Employment Service Chicago gegrënnt, an 1947 de Gilson Travel Service.[5]
1934 gouf hien zum Sekretär vun der Lëtzebuerger Handelskammer an de Vereenegte Staaten ernannt, an 1941 zum Generalkonsul fir Lëtzebuerg zu Chicago.[3]
Hie war Auteur vun enger Geschicht vun der Luxembourg Brotherhood of America (vun där e laang Jore Grand President war), Sekretär vum Organisatiounskommitee vun enger Schueberfouer zu Chicago, a Rapporteur (1914 – 1947) vun der Kathoulescher Unioun vun Illinois. Ausserdeem war hien 1941 President vum Empfankskommittee vun der Groussherzogin Charlotte an Amerika, a vum Good Will Tour vum Prënz Jang.[3]
Fir un hien z'erënneren, gouf zu Mäerzeg eng Strooss no him genannt.[6]
Gielercher
[änneren | Quelltext änneren]
Officier vum Ordre de la couronne de chêne (1936)[5]- Goldmedail vum Groussherzoglechen Hausuerden Adolphe de Nassau (1953)
- Official Fair Medal with inscription.
Referenzen
[Quelltext änneren]- ↑ (de) Gebuertsschäin N° 24 S. 140. Archives nationales, Commune de Mertzig (28.12.1889). Gekuckt de 06.02.2026.
- ↑ an der „alphabetescher Tabell“ vun de Gebuerten vun 1889 zu Mäerzeg ass de Gilson net alphabetesch, mä als leschten agedroen (https://query.an.etat.lu/Query/detail.aspx?ID=705630) S. 142
- 1 2 3 Fred A. Gilson †. In: Luxemburger Wort, 117. Jg., n° 125 (05.05.1964), p. 10 [Numérisé par la Bibliothèque nationale du Luxembourg].
- ↑ Avis de décès 13 Page 12. In: Luxemburger Wort, 117. Jg., n° 128 (08.05.1964), p. 12 [Numérisé par la Bibliothèque nationale du Luxembourg]
- 1 2 3 4 In memoriam Fred A. Gilson gestorben in Chicago am 1. Mai 1964. In: Luxemburger Wort, 117. Jg., n° 167 (16.06.1964), p. 6 [Numérisé par la Bibliothèque nationale du Luxembourg].
- ↑ L-9167; Lokalisatioun op geoportail.lu.