Frigo

Vu Wikipedia
Wiesselen op: Navigatioun, sichen
E Frigo

E Frigo ass en elektreschen Apparat a Form vun engem Schaf, dee seng Bannentemperatur selbstänneg niddreg hält. En huet meescht een Haaptkompartiment mat enger Temperatur vun tëscht 2 an 8° C[1] a kann donieft nach en zweet Kompartiment hunn (d'Gefréierfach), dat méi eng niddreg Temperatur huet an an deem ee Saache afréiere kann (-18 °C). De Begrëff Frigidaire kënnt vun der Mark mam selwechten Numm vum Grupp Electrolux a gëtt heiansdo als genereschen Numm fir de Frigo benotzt. Och Äisschaf a Killschaf sinn nach gebräichlech; dës Begrëffer ginn op déi Zäit zréck, wéi e Block Äis an e Schaf geluecht gouf, fir do fir kal Temperaturen ze suergen.

De Frigo gëtt haaptsächlech an der Kichen an am Laboratoire benotzt. Säin Haaptzweck ass et, Liewensmëttel, Medikamenter a Chemikalien ze lageren, kal ze halen a se sou ze konservéieren. Duerch déi niddreg Temperature lafe chemesch Reaktiounen a biologesch Prozesser, déi Liewensmëttel verdierwe loossen a Medikamenter onbrauchbar maachen, méi lues of.

E Frigo ka mat Elektrizitéit oder Flësseggas bedriwwe ginn.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Frigo – Biller, Videoen oder Audiodateien

Referenzen[Quelltext änneren]

  1. https://www.eufic.org/article/fr/artid/refrigerateur-bonne-conservation-aliments/