Funiculaire Pafendall-Kierchbierg

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Seelbunn
Pafendall-Kierchbierg
2 Kabinnen an der ieweschter Statioun (Okt. 2017)
Zuel vu Seelbunnen 2
System Zweekabinnesystem mat
Abt-Weichen
Streckelängt 200 m
Pente 19,7 %
Héichtendifferenz 40 m
Vitess 7 m/s
Dauer vum Trajet 63 s
Standzäit 105 s
Kabinnen
Zuel 4
Dimensiounen Längt
Breet
Héicht
11,8 m
3,5 m
(variabel) 2,6 m - 4,7 m
Eidel Mass 18 t
Plazen 140 (normal)
168 (maximal)
Constructeur Doppelmayr-Garaventa

De Funiculaire Pafendall-Kierchbierg besteet aus zwou Standseelbunnen, déi vum 10. Dezember 2017 un de Pafendall mam Kierchbierg verbanne sollen. De Funiculaire, deen am Opdrag vun der CFL gebaut gëtt, steet lénks nieft der Rouder Bréck a Richtung Kierchbierg gekuckt, an huet als Haaptzweck, d'Gare Pafendall-Kierchbierg am Uelzechtdall (déi och am Gaang ass, gebaut ze ginn) mat der Tramshalt Pafendall-Rout Bréck uewen um Plateau (déi bis da fäerdeg soll sinn) ze verbannen, a sou de Kierchbierg mam ëffentlechen Transport méi einfach zougänglech ze maachen.

D'Weiche vun den zwou Seelebunne sinn an enger Tranchée couverte, op halwer Héicht am Hank.

D'Kabinne vum Funiculaire soll an 63 Sekonnen erop- oder eroffueren an dann 105 Sekonne stoen. Well et zwou Seelebunne sinn, fiert ronn all Minutt eng Kabinn fort. An där Zäit, wou se steet, kënne maximal 168 Leit (normal: 140) an d'Kabinn respektiv aus der Kabinn klammen. Deemno kënne pro Kabinn bis zu 3.600 Persounen d'Stonn transportéiert ginn.[1]

Well um Trajet vum Funiculaire Beem hu missen ewechgeholl ginn, goufen Ufank 2016 op engem Terrain zu Bierchem eng 2200 jonk Routbuchen als Kompensatiounsmoossnam geplanzt. D'Zuel vun de geplanzte Beem gouf no engem Punktesystem festgeluecht. D'CFL bleift sechs Joer zoustänneg fir den Ënnerhalt vum jonke Bësch.[2]

Mëtt Mäerz 2017 goufen d'Kabinne vum Funiculaire vun der Schwäizer Firma Garaventa geliwwert.[3]

Entwécklung vum Schantgen[änneren | Quelltext änneren]

Um Spaweck[änneren | Quelltext änneren]

Commons: Funiculaire Pafendall-Kierchbierg – Biller, Videoen oder Audiodateien

Referenzen[Quelltext änneren]

  1. "Arrêt Kirchberg-Pfaffenthal (Pont Rouge)." Presentatioun vum Projet, zesumme mat der neier Gare, um Site vum Ministère fir Nohalteg Entwécklung an Infrasturktur, 02-03-2015 (gekuckt: 08-01-2016).
  2. Anen, N., 2016. Etwa 2200 Bäume in Berchem gepflanzt. Der grüne Daumen der CFL. Kompensationsmaßnahme für das Seilbahnprojekt zwischen Pfaffenthal und Kirchberg. Luxemburger Wort vum 12. Februar 2016, S. 24.
  3. Der "Funiculaire" ist da op wort.lu vum 21. Mäerz 2017