GEOS (NASA)

Vu Wikipedia
Wiesselen op: Navigatioun, sichen
GEOS 1 (Explorer 29), dito GEOS 2
GEOS 3

GEOS (Geodetic Earth Orbiting Satellite) war eng Serie vun dräi US-amerikaneschen geodetesche Fuerschungssatellitte vun der NASA.

Déi éischt béid GEOS-Satellitten (gestart 1965 an 1968) goufen ënner dem Explorer-Programm entwéckelt. Si hunn iwwer eng Positiounsstabiliséierung duerch e Schwéieregradient verfügt an eng Energieversuergung iwwer Solarzellen. D'GEOS-Satellitte waren déi éischt Missiounen am National Geodetic Satellite Program.

D'Ausrëschtung bestoung aus enger Zuel vun opteschen a Funk-Systemer (dorënner och jee en Transponder fir d'SECOR-System) zu der exakter Bunnverfollegung souwéi Laser-Reflekteren. Als aktiv Satellitte waren si eng Weiderentwécklung vun der Anna 1B-Sond a konnten kuerz Serië vu sechs bis aacht hell Liichtblëtzer verschécken. Déi goufe vu Buedemstatiounen synchron virum Stärenhannergrond fotograféiert (Stellartriangulatioun), fir duerch genee Richtungsmiessung groussraimeg Vermiessungsnetzer opzebauen.

Zil vun de Missioune war d'Vermoossung vun ausgewielten Observatiounspunkten mat enger Genauegkeet vun zéng Meter an engem dräidimensionalen Koordinatesystem mam Masseschwéierpunkt vun der Äerd als Mëttelpunkt. Weider gouf d'Struktur vum irregulären Äerdgravitatiounsfeld an d'Lag vun de grousse Gravitatiounsanomalien bestëmmt.

De GEOS-3-Satellit (wéinst de vergréisserten Aufgaben och Geodynamics Experimental Ocean Satellite) genannt, war eng verbessert Versioun vun de béiden éischte Satellitten. De GEOS-3 war net méi en Deel vum Explorer-Programm. Zousätzlech zu der Aufgabenstellung vun de Virgänger war duerch e Radar-Altimeter eng prezis Miessung vun den Ozeanhéichte méiglech, wat eng weider Verbesserung vum Äerdgravitationsmodell erméiglecht huet. Zousätzlech gouf e Bunnverfollegungsexperiment mam experimentellen Kommunikatiounssatellit ATS 6 erreecht. Eng verbessert Versioun vum GEOS-3-Satellit gouf vun der US Navy ënner dem Numm Geosat gestart.

Satellitten am GEOS Programm[änneren | Quelltext änneren]

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]