GRAIL

Vu Wikipedia
Op d'Navigatioun wiesselen Op d'Siche wiesselen
Gravity Recovery and Interior Laboratory (GRAIL)
De Missiounslogo
Typ Raumsondenkoppel
Land Flag of the United States.svg USA
Agentur NASA
COSPAR-Bezeechnung 2011-046A/B
Fabrikant Lockheed Martin Space Systems
Moossen (H × B × T) 1,09 × 0,95 × 0,76 m
Startmass jee 307 kg
Eidelmass jee 201 kg
Start 10. September 2011 um 13:08:52.775 UTC
Startplaz Cape Canaveral Air Force Station
Drorakéit Delta-7920H-10C
Missiounsdauer 464 Deeg
Missiounsenn 17. Dezember 2012 um 22:29:21 UTC
Status kontrolléierten Ofstuerz an der Nordpolregioun

D'Gravity Recovery and Interior Laboratory (GRAIL) war eng Äerdmoundmissioun vun der NASA, déi am Kader vum Discovery-Programm duerchgefouert gouf. De Numm spillt op engl. (Holy) Grail = Hellege Gral un.

GRAIL bestoung aus zwou am September 2011 zesumme gestartete Raumsonden, déi tëscht Ufank 2012 an Dezember 2012 de Mound ëmkreesten. Zil vun der Missioun war déi genee Vermiessung vum lunare Schwéierfeld an de Gravitéitsanomalien, fir doraus Opklärungen op de bannenzegen Opbau vum Mound ze kréien.

Opbau vun de Sonden[änneren | Quelltext änneren]

D'Missioun gouf vum Jet Propulsion Laboratory geleet. D'Sonden goufe vun Lockheed Martin Space Systems baséierend op de XSS-11-Satellit gebaut. D'Stroumversuergung ass iwwer zwou ausklappbar, awer net schwenkbar Solarmodule (763 W), déi Lithium-Ionen-Akkumulatoren oplueden, erfollegt (30 Ah bei 28 V).[1] Zu der Lagreegelung déngten Waarmgas-Steuerdüsen an Reaktiounsschwongrieder. D'Daten goufen iwwer eng S-Band-Funkverbindung un das Deep Space Network (DSN) iwwerdroen.

D'Sonden schafften, wéi d'GRACE-Satellitten, nodeem SST-Prinzip (Satellite-to-Satellite Tracking): Si ëmkreesten de Mound op derselwechter Bunn an hu mam Lunar Gravity Ranging System (LGRS) mat elektromagnéitescher Wellen am Ka-Band kontinuéierlech d'géigesäiteg Distanz gemooss. Doduerch ließen hu sech Onreegelméissegkeeten vum Schwéierfeld mat héijer Prezisioun analyséiere gelooss.

Als zousätzlech Notzlaascht, zu Bildungszwecker fir Studenten, waren op béid Sonden d'Kamerasystem E/PO MoonKam mat jee fënnef einzelnen Kamerae, d'Biller vun der Mounduewerfläch, der Äerd an de Sonden selwer iwwermëttelt. D'Sonden goufen no engem landeswäite Concours fir Schoulklassen "Ebb" (Ebbe) a "Flow" (Flut) genannt.[2]

Funktiounsprinzip vun de GRAIL-Sonden

Missiounsverlaf[änneren | Quelltext änneren]

Fluchbunnnen zum Äerdmound

Déi béid GRAIL-Sonden sinn zesummen mat enger zweestufeger Delta-7920H-10C-Rakéit den 10. September 2011 um 13:08:52.775 UTC vun der Cape Canaveral Air Force Station aus gestart. Nom Start ass eng dräianhallefméinteg Transferphas iwwer de Lagrange-Punkt L1 vum Äerd-Sonn-Systems zum Mound erfollegt, fir déi erfuerderlech Vitessännerung kleng ze halen an anerersäits déi niddreg Moundëmlafbunn vu nëmme ronn 50 km Héicht méiglechst exakt z'erreechen. D'Ëmlafzäit vun de Sonden ëm de Mound war 113 Minutten. Op dëser Héicht sinn déi béid Satellitten een deem aneren op enger Distanz vun 175–225 km nogelaf.

D'Gravitatiounsfeld vum Mound, bestëmmt vu GRAIL

Déi tatsächlech Wëssenschaftsmissioun hat de 7. Mäerz 2012[3] ugefaangen an hat eng Dauer vuon 82 Deeg. Si war an dräi Zyklen vu jee 27,3 Deeg gegliddert. Zweemol am Dag stoungen d'Sonden fir jee aacht Stonnen mam Deep Space Network (DSN) a Verbindung an hunn d'Daten iwwerdroen.

No Ofschloss vun der primärer Wëssenschaftsphas gouf eng Verlängerung vun der Missioun beschloss, déi vum 30. August bis 3. Dezember 2012 undauere sollt. Dofir verréngerten d'Sonden hir Héicht op duerchschnëttlech 23 km, fir nach méi genee Miessungen duerchféieren ze kënnen.[4] No Enn vun der Missioun am Dezember 2012 war eng fënnefdeegeg Bausserdéngschtstellungsphas erfollegt, no där déi béid Satellitten spéider um Mound opschloe sollten, fir en onkontrolléierten Ofstuerz op eventuell bedeitsam Stätt wéi z. B. d'Apollo-Landeplazen z'iwwergoen.

Déi zwou Raumsonden waren plangméisseg bei Missiounsenn den 17. Dezember 2012 mat engem Bierg tëscht de Moundkrateren Philolaus an Mouchez no beim Moundnordpol kollidéiert. Ëm 22:28:51 UTC war GRAIL A ("Ebb") op der Mounduewerfläch opgeschloen, a ronn 30 Sekonne méi spéit de GRAIL B ("Flow"). D'Aschlagplaz vu béide Satellitten gouf vun der NASA no de verstuerwener Astronautin Sally Ride genannt.[5]

Um Spaweck[änneren | Quelltext änneren]

Commons: Gravity Recovery and Interior Laboratory – Biller, Videoen oder Audiodateien

Videos[änneren | Quelltext änneren]

Referenzen[Quelltext änneren]

  1. NASA: Gravity Recovery and Interior Laboratory (GRAIL) Launch Kit (PDF; 1,2 MB)
  2. NASA: Montana Students Submit Winning Names for NASA Lunar Spacecraft, vom 17. Januar 2012
  3. NASA: NASA's Twin GRAIL Spacecraft Begin Collecting Lunar Science Data
  4. NASA: NASA's GRAIL Moon Twins Begin Extended Mission Science, vum 31. August 2012
  5. NASA: NASA's GRAIL Lunar Impact Site Named for Astronaut Sally Ride, vum 17. Dezember 2012