Gemeng Clierf

Gemeng Clierf
Gemeng Clierf
	d'Märei am Klierfer Schlass
Aussprooch	;
An anere Sproochen	fr: Clervaux; de: Klerf
Land	Lëtzebuerg
Kanton	Clierf
Gemeng	Kanton Clierf
Chef-lieu	Clierf
Buergermeeschter	Georges Keipes
Awunner	6.327
	1. Januar 2026
Fläch	8.560,7181 ha
Héicht	521 m
Koordinaten	50° 03’ 17’’ N; 06° 01’ 46’’ O
LAU-Code	LU0501
Websäit	https://www.clervaux.lu/

D'Gemeng Clierf (fir d'Awunner Cliärref) ass eng vun den 100 lëtzebuergesche Gemengen. Se läit am Kanton Clierf an de Chef-lieu vun der Gemeng ass d'Stad Clierf vun där se och hiren Numm huet.

D'Gemeng huet 6.327 Awunner (Stand 1. Januar 2026)^[1]^[2].

Geographie

D'Gemeng Clierf läit am Éislek. Den Haaptuert Clierf läit op der Baach Clierf, déi aus dem Zesummelaf vun der Wolz an der Reichelbaach ronn 800 Meter nërdlech vun der Clierfer Gare, entsteet. Am Oste vun der Gemeng mécht d'Our d'Grenz vun der Gemeng (a gläichzäiteg vum Land).

Nopeschgemengen

	Wäiswampech
Wëntger	N	(D)
	W Clierf O
	S
Wolz	Kiischpelt	Parc Housen

Uertschaften a Lieu-diten an der Gemeng

Uertschaften

Clierf
Draufelt
Eeselbuer
Fëschbech
Fossenhaff
Grandsen
Hengescht
Hëpperdang
Ischpelt
Kaalber Millen
Kaalber
Kaaspelt
Kéisfuert
Kirelshaff
Lausduer (deelweis an der Gemeng Wäiswampech)
Léiler
Maarnech
Mecher
Munzen
Reiler
Rueder
Siwwenaler
Tëntesmillen
Wäicherdang
Wirtgensmillen

Häff a Lieu-diten

Clierfer Schlass

Geschicht

D'Gemeng Clierf ass, wéi déi meescht aner Gemengen am Land, ënner dem franséische Regimm entstanen, de facto den 1. Oktober 1795, wéi mat der Aglidderung an d'Bëscherdepartement och déi franséisch Gemengegesetzgebung zu Lëtzebuerg applikabel gouf. Och no der Grënnung vum Groussherzogtum Lëtzebuerg, 1814/15, sinn d'Gemenge weiderhin als lokal Verwaltungseenheeten erhale bliwwen.

1823 ass d'Gemeng Wäicherdang mat der Gemeng Clierf fusionéiert (bis op d'Sektioun Draufelt, déi bei d'Gemeng Munzen komm ass).

...

Wopen

	Beschreiwung am Originaltext^[3]: De gueules a chef d'or chargé de trois merles de sable becqués et membrés de gueules, rangés en fasce. D.C. 30. Mee 1896 - Mémorial B 1896, Säit 338 - Projet: Auteur net bekannt De Wope staamt, virun allem wéinst dem Ëmdréie vun den Haaptemailer, vun deem vun der aler Famill vu Clierf of (d'or au chef de gueules chargé de trois merlettes d'argent), enger Famill déi vun där vu Meesebuerg ofstammt (d'or au chef de gueules chargé de trois mésanges^▲■ d'or). déi fir hiren Deel, selwer vun där vu Wiltz ofstaamt (d'or au chef de gueules). ^▲heiandsdo: merlettes ^■ heiandsdo: mésanges au naturel

Gemengefusioun 2012

Am Joer 2002 hunn d'Schäfferéit vun de Gemenge Clierf, Hengescht a Munzen sech bei deem deemolegen Inneminister Michel Wolter fir eng méi enk Zesummenaarbecht staark gemaach. De 4. Mee 2006 hunn déi dräi Schäfferéit dem Inneminister hir Absicht matgedeelt fir ze fusionéieren. Doropshi gouf zesumme mam Inneministère en Investitiounsprogramm op d'Bee gesat, deen am Kader vun der Fusioun soll ëmgesat ginn. Et gouf en Informatiounsdokument fir d'Bevëlkerung erstallt, an de Fusiounsprojet gouf de 25. September 2008 a Presenz vum Inneminister Jean-Marie Halsdorf de Leit aus den dräi betraffene Gemengen zu Clierf virgestallt.

Den 12. Oktober 2008 ass an deenen dräi Gemengen e Referendum organiséiert ginn, an dee Referendum ass och zu Gonschte vun där Fusioun ausgaangen. D'Gemengeréit vu Clierf, Hengescht a Munzen hu sech Enn 2008 definitiv fir déi geplangt Fusioun ausgeschwat an hunn enger entspriechender Konventioun mam Lëtzebuerger Staat zougestëmmt. Dës Konventioun gouf de 16. Januar 2009 vun de betraffene Regierungsmemberen ënnerschriwwen.

De 17. Februar 2009 huet den Inneminister de Gesetzesprojet iwwer déi geplangt Fusioun an der Chamber deposéiert. De Staatsrot huet säin Avis den 21. Abrëll 2009 ginn, an d'Gesetz iwwer d'Fusioun vun de Gemenge Clierf, Hengescht a Munzen ass de 7. Mee 2009 eestëmmeg an der Chamber guttgeheescht ginn.

D'Fusioun vun de Gemenge Clierf, Hengescht a Munzen zu enger neier Gemeng mam Numm Gemeng Clierf ass de 5. Dezember 2011 rechtsgülteg gi wéi deen nei gewielte Gemengerot no de Gemengewale vum 9. Oktober 2011 vum Buergermeeschter Emile Eicher vereedegt gouf. De Buergermeeschter an déi dräi Schäffe goufe schonn de 24. November 2011 vum Inneminister Jean-Marie Halsdorf vereedegt a waren domat am Amt.

Clierf,...
Hengescht...
a Munzen...
fusionéieren zu Clierf.

Demographesch Entwécklung

Virun der Fusioun (bis 2011)

No der Fusioun (zënter 2012)

Quell: STATEC – Population par canton et commune, automatesch vu Wikidata agebonnen.

Politik

2017 gouf bei de Gemengewalen an der Gemeng Clierf eng éischt Kéier nom Proporzsystem gewielt; de Gemengerot setzt sech aus 11 Conseilleren zesummen.

D'CSV krut dobäi déi absolut Majoritéit a stellt de Schäfferot.

Zesummesetzung

Joer	ADR	Biergerl.	CSV	DP	gréng	PPL
2017	0	1	6	2	2	0
2023	1	4	3	2	1	-

Biergerl.: Biergerlëst Gemeng Cliärref

Quell: elections.lu

Buergermeeschteren

1844 - 1846: François Julien Arendt^[4]^[5]
...
? - ?: Léopold Bouvier
1862 - ?: Jacques Ensch^[6]
...
1895 - 1917: Émile Prüm
1918 - 1921: Johann Peter Jonas
1921 - 1927: Albert Schiltz
1927 - 1934: Nicolas Fogen
1935 - 1941: Joseph Kratzenberg
1945: Georges Wagner
1946 - 1963: Jean Peusch
1964 - 1969: Georges Wagner
1970 - 1975: Bernard Dedoyard
1976 - 1987: Michel Wehrhausen
1988 - 1999: Aloyse Nosbusch
2000 - 11.2005: François Stephany
11.2005 - 02.2007: Guillaume Oestreicher
02.2007 - 11.2011: Yves Arend (CSV)
11.2011 - 06.2023: Emile Eicher (CSV)
zanter 07.2023: Georges Keipes (Biergerlëst)^[7]

Schoulinfrastruktur

D'Kanner vun der Gemeng Clierf ginn an d'Grondschoul zu Reiler.

Kuckeswäertes

d'Schlass Clierf
- am Schlass d'Ausstellung "The Family of Man", déi vum Edward Steichen zesummegestallt gi war.
- am Schlass de Musée iwwer d'Ardennenoffensiv
- am Schlass d'Maquettë vu Lëtzebuerger Buergen a Schlässer
d'Benediktinerabtei Clierf
d'Monument vum Klëppelkrich
d'Loretokapell zu Clierf
d'Schlass Ischpelt
de Fräiliichtmusée "A Robbesscheier"
d'Parkierch vu Munzen (13. Joerhonnert bis 18. Joerhonnert)
de Cube 521 zu Maarnech
Zwou bemierkenswäert Eechen zu Munzen

Interkommunal Syndikater

D'Gemeng Clierf ass Member vu follgenden interkommunale Syndikater:

Jumelage

Horezu a Rumänien

Perséinlechkeeten aus der Gemeng Clierf

Camille Dimmer (*1939), Foussballspiller, Politiker, Naturschützer an Ingenieur,
Agnès Durdu (*1964), Juristin, Affekotin a Politikerin,
Emile Eicher (*1955), Politiker,
Josy Johanns (*1944), Vëlossportler,
Damien Kratzenberg (1878-1946), Enseignant, Politiker an Unhänger vum Nationalsozialismus,
Édouard Thilges (18179-1904), Politiker.