Grad Fahrenheit

Vu Wikipedia
Op d'Navigatioun wiesselen Op d'Siche wiesselen

Grad Fahrenheit (Symbol : °F) ass eng Moosseenheet fir d'Temperatur, déi vum däitsche Physiker Gabriel Fahrenheit 1724 proposéiert gouf. Op senger Skala louch de Gefréierpunkt vum Waasser bei 32°F an de Punkt, wou et kacht, bei 212 °F. Haut gëtt d'Fahrenheit-Skala vun der Celsius-Skala ofgeleet, an zwar: T(°F) = 1,8 T(°C) + 32.

De Fahrenheit hat ursprénglech 0°F als déi keelst Temperatur, déi bis dohi gemooss gouf, festgeluecht, a 96°F als déi vum Blutt vun engem Päerd (96 an net 100, well en d'Skala an 12 gedeelt huet, an déi dann nach eng Kéier an Aachtel dovunner).

Länner, an deenen d'Fahrenheit-Skala gebräichlech ass: ██ Länner déi d'Fahrenheit-Skala benotzen. ██ Länner déi d'Fahrenheit- an d'Celsius-Skala benotzen. ██ Länner déi d'Celsius-Skala benotzen.
Thermometer CF.svg

D'Skala a Grad Fahrenheit gëtt haut just nach an de Vereenegte Staaten, am Belize an op de Kaimaninsele benotzt.

Ëmrechnen a Grad Celsius[änneren | Quelltext änneren]

Fir eng Temperatur vu Grad Fahrenheit an Celsius ëmzerechnen, muss een 32 ofzéien an d'Resultat duerch 1,8 dividéieren:

Beispill: 50°F entspriechen: 50 − 32 = 18, dann 18/1,8 = 10 °C.