Grofschaft Chiny

Vu Wikipedia
Op d'Navigatioun wiesselen Op d'Siche wiesselen
Wope vun de Grofe vu Chiny
Wope vun de Grofe vu Looz a Chiny
Wope vun de Grofe vu Chiny an Heinsberg
Wope vum Arnoul vu Rumigny

D'Grofschaft Chiny war eng Grofschaft, déi am Südweste vun der haiteger Provënz Lëtzebuerg an an Nordweste vum haitegen Departement Meuse louch, e Gebitt, duerch dat d'Semois an d'Kuer derduerchlafen.

Wahrscheinlech goung s'ervir aus der Grofschaft Yvois (oder Ivois), déi an d'Hänn vum Otto vu Warcq gefall ass. Nodeem 971 Chiny gegrënnt gi war, hu sech dem Otto seng Nofolger no där Buerg genannt.

Wéi de Grof Louis IV. vu Chiny 1226 gestuerwen ass, goung d'Grofschaft Chiny un d'Grofschaf Looz iwwer, well dem Louis seng Duechter Jeanne mam Arnoul IV. vu Looz bestuet war.

D'Koppel huet hire Besëtz ënner hiren zwéi Jonge verdeelt:

  • de Louis V, dee jéngsten, gouf 1268 Grof vu Chiny;
  • de Jean, den Eelsten, gouf 1273 Grof vu Looz.

Wéi de Louis 1299 gestuerwen ass, huet säin Neveu Arnoul V., dem Jean säi Jong, Chiny geierft, sou datt déi zwou Grofschaften nees a Personalunioun vereenegt waren.

1362 huet de Godefroid II. vun Heinsberg d'Grofschaft dem Arnoul IV. verkaf, dee se sengersäits 1364 un de Wenzel I. vu Lëtzebuerg verkaf huet. D'Gebitt blouf awer ëmmer nieft dem Herzogtum Lëtzebuerg bestoen, gouf also ni voll integréiert, soudatt dat Ganzt nach am spéiden 18. Joerhonnert als Duché de Luxembourg et Comté de Chiny ernimmt gëtt.

Literatur[änneren | Quelltext änneren]

  • Arlette Laret-Kayser: Entre Bar et Luxembourg: Le comté de Chiny des origines à 1300. Bruxelles (éditions du Crédit Communal, Collection Histoire, série in-8°, n° 72), 1986; 273 pages; ISBN 2-87193-007-4