Gronn (Stad Lëtzebuerg)

Vu Wikipedia
Wiesselen op: Navigatioun, sichen
Gronn
Luxembourg Grund from Verlorenkost 01.jpg
An anere Sproochen fr: Grund
de: Grund
Land Lëtzebuerg
Kanton Lëtzebuerg
Gemeng Lëtzebuerg
Buergermeeschter Lydie Polfer (DP)
Awunner 969 (31.12.2016)
Fläch 30,03 ha
Koordinaten 49° 36’ 31.8’’ N
     06° 08’ 13.1’’ O
Grund quarter highlighted.png
De Gronn (blo)
an der Stad Lëtzebuerg (gro)

De Gronn ass e Quartier vun der Stad Lëtzebuerg.

Geschicht[änneren | Quelltext änneren]

Um Enn vum Fréimëttelalter hu sech um Ufer vun der Uelzecht Handwierker néiergelooss, déi d'Waasser vum Floss benotzt hunn, fir hire Beruff auszeüben. 1083 huet de Grof Konrad eng Abtei gestëft, d'Abtei Almënster. Zu där Zäit gouf et schonn zwou Kierchen am Uelzechtsdall ronderëm de Bockfiels: Sankt-Ulrich, bei der Mëndung vun der Péitruss, a Sankt-Matthäus am Norden, bei der Réimerbréck am Pafendall. D'Kierchtierm kéinte gläichzäiteg Waachtierm gewiescht sinn, fir den Zougang zum Dall an d'Brécken am A ze halen.[1]

Sou huet sech d'Ënnerstad gebilt, déi uganks nach ante portas louch, bis datt se am 14. Joerhonnert vun der drëtter Stadmauer, déi op de Wenzel II. zréckgeet an dofir och nach Wenzelsmauer genannt gëtt, protegéiert gouf.

Wéi d'Abtei Almënster am Joer 1543 zerstéiert gouf, sinn d'Benediktiner an de Gronn an den Hospice Saint Jean geplënnert an hunn do d'Abtei Neimënster gegrënnt, déi no engem Brand am Joer 1684 nees opgebaut gouf an nach haut besteet. Haut ass do de Kulturzentrum Neimënster.

De 26. Juni 1807 huet de Blëtz an de Polvertuerm um Verluerekascht ageschloen. Do waren 11.200 Kg Polver, 2.500 Kanounekugelen a Kartusche gelagert déi dee Moment explodéiert sinn. De Stadgronn gouf duerch d'Drockwell am uregste getraff: D'Haiser goufe schwéier beschiedegt a Beem goufen ëmgehäit. 32 Persoune koumen ëm d'Liewen an 120 goufen der schwéier blesséiert, dorënner vill Kanner. De Schued gouf op 1 Millioun Goldfrang geschat [2].

Well vun uganks 19. Joerhonnert bis an d'1980er Joren hei de Prisong war, stoung den Ausdrock "am Gronn sinn" (oder "sëtzen") euphemistesch fir "am Prisong sinn".

Soss nach Kuckeswäert am Gronn ass den Nationalmusée fir Naturgeschicht (natur musée) am fréieren Hospice Saint Jean.

Vum Haff vun der Cité judiciaire um Helleg-Geescht-Plateau an der Uewerstad kënnt ee mat engem Lift, deen 1987 gebaut gouf, erof an de Gronn.

Awunner[änneren | Quelltext änneren]

Op den 31.12.2016 hunn am Gronn 969 Leit gewunnt. Den Undeel vun de Lëtzebuerger louch bei 40,56 % géintiwwer 59,44 % Auslänner[3].

Grënnesch Leit no Nationalitéit[3]
Rang Nationalitéit Awunner Prozent
1 Flag of Luxembourg.svg Lëtzebuerg 393 40,56
2 Flag of Portugal.svg Portugal 123 12,69
3 Flag of France.svg Frankräich 111 11,46
4 Flag of Italy.svg Italien 45 4,64
5 Flag of Belgium (civil).svg Belsch 32 3,30
6 Flag of Germany.svg Däitschland 28 2,89
7 Flag of Spain.svg Spuenien 20 2,06
8 Flag of the United Kingdom.svg Vereenegt Kinnekräich 13 1,34
9 Flag of Sweden.svg Schweden 11 1,14
Flag of the Netherlands.svg Holland 11 1,14
Aner Nationalitéiten 182 18,78
Total 969

Biller[änneren | Quelltext änneren]

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Gronn (Stad Lëtzebuerg) – Biller, Videoen oder Audiodateien

Referenzen an Notten[Quelltext änneren]

  1. Michel Pauly: "Von Weimerskirch nach Luxemburg: Die topographische Entwicklung der Stadt Luxemburg im Mittelalter." In: ons stad 99, 2012, S. 4-9. [Baséiert op: Michel Pauly: "Die tpographische Entwicklung der Stadt Luxemburg von den Anfängen bis zum Beginn des 16. Jahrhunderts", in: Leben im Mittelalter: Luxemburg, Metz und Trier. Studien zur mittelalterlichen Stadtgeschichte und -archäologie (Publ. scientifiques du Musée d'Histoire de la Ville de Luxembourg, t. II), Luxemburg 1998, S. 7-31, wou och weider Literaturreferenze sinn.]
  2. Schaus Raymond, Au Stadgrond autrefois, Die Warte Nr. 14/2292, Luxemburger Wort 29. Abrëll 2010
  3. 3,0 3,1 État de la population 2016 - Statistiques sur la population de la Ville de Luxembourg op vdl.lu, der Websäit vun der Stad Lëtzebuerg (gekuckt den 22. Februar 2017)