Henri Werling

Vu Wikipedia
Op d'Navigatioun wiesselen Op d'Siche wiesselen
Henri Werling
Gebuer 14. Dezember 1879
Lëtzebuerg
Gestuerwen 22. Februar 1961
Nationalitéit Lëtzebuerg
Aktivitéit Paschtouer
Wikidata-logo-without-paddings.svg

Den Henri Werling gebuer de 14. Dezember 1879 zu Lëtzebuerg a gestuerwen den 22. Februar 1961 zu Esna, Estland war e Jesuit, Paschtouer an Apostoulischen Administrateur ad interim fir Estland.

Den Henri Werling, gëtt de 25. August 1912 zum Geeschtleche geweit a geet 1923 an Estland. D'kathoulesch Kierch an Estland hat deemools nëmmen zwou Paren zu Tallinn (Reval) an Tartu (Dorpat), déi trotz der Onofhängegkeet vun Estland zum letteschen Äerzbistum Riga gehéiert hunn. Den deemolegen Äerzbëschof Antonino Zecchini huet den Henri Werling als Paschtouer zu Tartu ernannt. Deem seng Aktivitéiten hunn et fäerdeg bruecht datt d'kathoulesch Kierch an Estland sech vergréissere konnt an och ëmmer méi unerkannt ginn ass. Den 13. Februar 1928 bréngt den Henri Werling mat Säravad tähed (lb: Stären déi liichten) fir d'éischt Kéier eng kathoulesch Zäitschrëft an estnescher Sprooch eraus.

Nodeem den Eduard Profittlich, och ee Jesuit, dee Paschtouer zu Tallin war, den 13. Mee 1931 zum neien Apostouleschen Administrateur fir Estland ernannt gi war, huet den Henri Werling d'Par an der Haaptstad iwwerholl.

D'Graf vum Henri Werling ass um Liiva-Kierfecht zu Tallinn.

Vum 24. November 2016 bis de 7. Januar 2017 war an der Nationalbibliothéik eng Ausstellung mam Titel Une vie singulière... Henri Werling (1879-1961), un jésuite luxembourgeois en Estonie[1][2].

Um Spaweck[änneren | Quelltext änneren]

Literatur[änneren | Quelltext änneren]

  • Philippe Henri Blasen / Antoinette Reuter. «...une vie singulière avec de nombreuses bonnes pensées. » - Henri Werling SJ et la mission catholique en Estonie; Cluj-Napoca (Casa Cǎrții de Ştiințǎ), 2016; 115 S., Bibliographie, 6 Photoën, 2 Fac-simileë vu Bréiwer an 1 Kaart vun Estland 1936. ISBN 978-606-17-0891-8 - [1]
  • Bodo Bost. "Ein Luxemburger Jesuit, der zum Glaubenzeugen in Estland wurde". Luxemburger Wort, 6. Mee 2000
  • Bodo Bost. "Vor 40 Jahren starb P. Henri Werling SJ, ein Luxemburger Glaubenzeugen in Estland". Luxemburger Wort, 22.2. an 8.3. 2001
  • Christoph Wrembeck. Paater Henri Werlingi SJ aeg, 1942–1961. – Jesuiidid Eestis 1923–1961. Tartu 2003. S. 140–169
  • Bodo Bost. "Das Glück, katholisch zu sein". Luxemburger Wort, 3.3. 2011. S. 13–15
  • Vello Salo. Eesti katoliiklased 1930–1940. Isa Vello Salo loeng Pirita kloostris [2].
  • Õunapuu, Rein. "Intervjuu Günther-Johannes Stipaga" – Kiriku Elu, nr 7(10), September 1990. S. 7–12 - [3]

Referenzen[Quelltext änneren]

  1. Infoen op der Websäit vum CDMH
  2. Infoen op der Websäit vun der BnL