Ierpeldeng (Ettelbréck)

Vu Wikipedia
Dësen Artikel beschäftegt sech mat Ierpeldeng bei Ettelbréck. Fir aner Uertschaften, déi sou heeschen, kuckt wgl. Ierpeldeng.
Ierpeldeng
Vue op Ierpeldeng
An anere Sproochen fr: Erpeldange-sur-Sûre
de: Erpeldingen-an-der-Sauer
Land Lëtzebuerg
Kanton Dikrech
Gemeng Ierpeldeng op der Sauer
Buergermeeschter Claude Gleis
Awunner 1.138
  1 Januar 2021; 1 Januar 2022; 1 Januar 2023
Koordinaten 49° 51’ 46’’ N
      06° 06’ 46’’ O
Schlass Ierpeldeng

Ierpeldeng ass eng Uertschaft am Kanton Dikrech an Haaptuert vun der Gemeng Ierpeldeng op der Sauer.

Geographie[änneren | Quelltext änneren]

Ierpeldeng läit am Sauerdall am Zentrum vun der Nordstad, net wäit vun Ettelbréck an Dikrech, op enger Héicht vun ongeféier 200 m. Geologesch läit d'Uertschaft op der Linn, déi d'Devon-Schichte vun den Ardennen am Norden (Éislek) vun den Trias-Schichten am Süden (Guttland) trennt.

Geschicht[änneren | Quelltext änneren]

D'Géigend vun Ierpeldeng war schonn zu gallo-réimeschen Zäite bewunnt. Op Angelduerfer Terrain, net wäit weg vum Zesummefloss vu Sauer an Uelzecht, weise Spueren op e réimesche Castrum hin. Wéi vill Dierfer, deenen hiren Numm op "-ingen" endegt, gouf Ierpeldeng (Erpeld-ingen) tëscht dem 6. an dem 9. Joerhonnert gegrënnt, wéi d'Franke sech an eiser Géigend néiergelooss hunn.

Ierpeldeng daucht fir d'éischt a schrëftlecher Form an engem Akt vun 1247 op, wou d'Rittere Frédéric a Gérard vun Ierpeldeng genannt ginn.

Ierpeldenger Schlass[änneren | Quelltext änneren]

D'Ierpeldenger Schlass gouf am 12. Joerhonnert als Waasserbuerg gebaut. Haut ass et de Sëtz vun der Ierpeldenger Gemengeverwaltung.  Méi Informatioun doriwwer am Artikel: Ierpeldenger Schlass.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Ierpeldeng – Biller, Videoen oder Audiodateien

Referenzen[Quelltext änneren]