Ilijana Jotowa

Ilijana Jotowa
Ilijana Jotowa
Funktioun
	6. President vu Bulgarien
	23. Januar 2026 -
Virgänger	Rumen Radew
Partei	Bulgaresch Sozialistesch Partei
Biographie
Gebuer	24. Oktober 1964; Sofia
Nationalitéit	Bulgarien
Educatioun	Universitéit Sofia,; Lycée Français Sofia

D'Ilijana Malinowa Jotowa (Bulgaresch: Илияна Малинова Йотова), gebuer de 24. Oktober 1964 zu Sofia, ass eng bulgaresch, Journalistin a Politikerin (BSP). Si ass zanter dem 23. Januar 2026 Presidentin vu Bulgarien. Virdru war si vun 2017 u Vizepresidentin.

Liewen

Si huet op der Universitéit Sofia Bulgaristik a Franséisch Philologie studéiert a war du vun 1991 bis 1997 Noriichtejournalistin bei der bulgarescher nationaler Televisioun. Dono huet si fir de Presseservice vun der BSP geschafft. Am Abrëll 2000 gouf si fir d'BSP Member vum Gemengerot vu Sofia. Ee Mount drop gouf si an de Comité vun der BSP gewielt.

2005 gouf si als Deputéiert vun der Koalitioun fir Bulgarien, zu där och d'BSP gehéiert huet, an d'bulgarescht Parlament gewielt. Nom Bäitrëtt vu Bulgarien an d'EU gouf si 2007 an d'Europäescht Parlament gewielt a bei den Europawalen 2009 erëmgewielt.

Bei de bulgaresche Presidentschaftswalen 2016 huet si mam Rumen Radew zesumme kandidéiert. De Radew gouf gewielt a si gouf Vizepresidentin. 2023 goufen déi zwee erëmgewielt. Nodeems de Radew den 20. Januar 2026 zeréckgetruede war, ass d'Ilijana Jotowa, als éischt Fra, als nei Presidentin vereedegt ginn.^[1]