Infrabel-Linn 162


Garen - Uschlëss - Brécken Tunnelen - Barrièren	Km	BK
Lëtzebuerg
Grenz Lëtzebuerg-Belsch	00,0	207.8
Sterpenech		206.7
Uschloss: Athus		203.2
Arel	09,7	198.0
Viville	11,7	196.1
Stockem		194.8
Stockem	13,2	194.6
Hachy		187.1
Habay	23,6	184.2
A 4		181.3
Houdemont		180.7
Rulles		178.9
Marbehan-Virton-Ecouviez		177.6
Marbehan	30,7	177.1
Mellier		172,4
Habâru		167.5
Nationale 40		163.3
Ruisseau de Longlier		161.2
Nationale 85		160.9
A 4		156.4
Ofzweigung fréier Eisebunnsstreck Libramont-St.Vith		152.1
Uschloss Ausstellung Libramont	56,2	151.6
Eisebunnsstreck Athus-Bertrix-Libramont		151.1
Nationale 89		149.1
Pont de Libin		142.2
Poix-Saint-Hubert N808		138.4
Poix-Saint-Hubert	69,5	138.3
Mirwart (Étangs St. Roch)	73,9	133.9
Grupont	78,9	128.9
fréier Halt vu Lesterny		125.3
Forrières	85,5	122.3
Jemelle	88,6	119.2
Marloie Eisebunnsstreck Marloie-Angleur	94,6	113.2
Aye	97,5	110.3
Haversin		101,2
Haversin	106,7	101.1
Chapois		90.8
Leignon N938		93.9
Leignon	114,1	93.7
Nationale 97		91.5
Ciney		90.8
Ciney	117,2	90.6
Fréier Streck Statte-Ciney		90.1
Braibant		87.3
Uschloss: Dinant		86.9
Natoye		84.4
Natoye	123,5	84.3
Florée	125,1	82.7
Assesse	129,8	79.9
Nationale 4		77.2
Courrière	131,0	76.8
Autobunn A4		74.9
Naninne	131,0	70.5
Naninne		70.4 69.5
Streck Namur-Givet	137,3	63.3
Anhaive Nationale 97		63.1
Meuse	144.8	62.9
Namur	146,3	61.5
Uschloss: Léck Charleroi Bréissel		59.5 ^[1]

D'Infrabel-Linn 162 ass eng Zuchstreck déi Sterpenech op der belsch-lëtzebuergescher Grenz mat Namur verbënnt. Zesumme mat der Streck Namur-Bréissel bilt se déi international Streck Lëtzebuerg-Bréissel

D'Linn 162 ass de Réckstrank vun der Eisebunn an der Provënz Lëtzebuerg, well se mat hiren Antennen zu Arel, Libramont a Marloie an déi verschidden Ecker vun der Provënz kënnt.

Historesche Kontext[änneren | Quelltext änneren]

Gebaut gouf se als bëllegen Transportwee tëscht Namur, als Haaptstad vu Wallounien, an de fréiere lëtzebuergeschen Territoiren op der Grenz mam Grand-Duché. D'Ardenne sinn e schwieregen Terrain fir eng Eisebunnslinn ze bauen, wëll et vill Koppen a Baache gëtt déi sech dacks unenaner reiwen an net vill Plaz fir grouss Konstruktioune loossen. Et kann een haut nach un der Streck gesinn, a wéi engem Ëmfang 1858 probéiert gouf d'Käschte kleng ze halen. Op där 146 Kilometer laanger Streck gëtt et keen eenzegen Tunnel a keng gréisser Bréck, wouwéinst d'Streck plazeweis eng Pente vu 16 Promill huet. Donieft hunn d'Constructeure plazeweis Kéiere vu bis zu 90° gebaut, beispillsweis an de Kéiere vu Mirwart.

Entwécklung[änneren | Quelltext änneren]

Vun 1835 un entwéckelt sech an der Belsch d'Eisebunn vun Malines aus, an all Ecker vum Land. Nodeem d'Haaptachse gebaut waren, ass vun 1844 un, an enger zweeter Phas, d'Eisebunn a Richtung vun de Grenze gedriwwe ginn.
An engem Gesetz vum 18. Juni 1846 gouf de Bau vun enger Eisebunnslinn tëscht Bréissel a Lëtzebuerg decidéiert. D'Grande compagnie du Luxembourg gëtt am nämmlechte Joer gegrënnt a fänkt mam Leeë vun de Schinnen un.
Wéi bei villen Eisebunnslinnen déi ëm déi Zäit gebaut goufen, ass och hei de private Budget net duergaangen an de belsche Staat huet misse méi Geld bäisteiere wéi Ufanks geplangt war.
1858 war d'Streck fäerdeg a gouf an dräi Schrëtt ageweit: Namur - Ciney, Ciney - Grupont a Grupont - Arel.
Well de belsche Staat, 1873 beim Verleeë vun engem zweete Gleis nees finanziell agräife muss, gëtt decidéiert d'Grande compagnie du Luxembourg ze nationaliséieren.
Vun 1935 un elektrifizéiert d'SNCB hire Reseau, als éischt op där wichteger Streck Bréissel - Antwerpen, duerno am Rescht vum Land. De gréissten Deel vun deenen Aarbechte war nach net fäerdeg wei den Zweete Weltkrich ausgebrach ass, an d'Belsch vun Nazi-Däitschland besat gouf.
No der Befreiung gëtt de Reseau moderniséiert an déi typesch Catenairesportaler ginn opgeriicht. Vun 1956 un, si se och tëscht Lëtzebuerg an Namouer ze fannen, wat d'Linn 162 zu enger wichteger Linn fir de Gidder- a Persounentrafic mécht. De gréissten Deel vun de Wueren déi am Kader vun derBelsch-Lëtzebuerger Wirtschaftsunioun tëscht de Länner zirkuléieren, maachen dat iwwer d'Linn 162 vun 1957 un, um Krop vun der fonkelneier Serie 23, déi haaptsächlech am Giddertransport agesat gouf. Am Persounentrafic komme belsch Automotricen an den Asaz.
1980, koum mat den Automotricen 80 en neit Material fir de Persounentrafic op d'Streck. 1984 gëtt den Trafic tëscht Bréissel a Lëtzebuerg am InterCity J vertakt. Zäitgläich gi vill kleng Halten op der Streck zougemaach.
Vun 2000 u komme mat den AM 96 nei Automotricen. Vun 2003 u kommen déi nei M6 Voituren an den Asaz. Domat leeft op der Linn 162 mat dat modernst Material dat d'SNCB huet.
Zanter 2009 gëtt sech ëm den desolaten Zoustand vun der Linn gekëmmert, wat mat enger Modernisatioun vun der Catenaire ugefaangen huet an duerno och d'Verleë vun neie Schinne virgesäit. D'Zill ass et bis 2014 eng Vitess vun 160 km/h op der Linn méiglech ze maache fir datt d'AM96 an d'Dostozich hir Héchstvitesse op der ganzer Streck kënnen ausspillen.

Zich déi iwwer d'Linn 162 fueren[änneren | Quelltext änneren]

InterCity J Bréissel - Namur - Ciney - Marloie - Jemelle - Libramont - Marbehan - Arel - Lëtzebuerg;
L Zuch Namur - Ciney deen all 2 Stonne bis Arel verlängert gëtt;
Regionalbunne vun der CFL tëscht Lëtzebuerg an Arel ;
EuroCity Bréissel - Stroossbuerg - Schwäiz ;
P Zich ;

Zukunft[änneren | Quelltext änneren]

1956 huet d'SNCB d'Linn ënner 3.000 Volt Gläichstroum elektrifizéiert a mat Lokomotive vun der Serie 23 Gidder- a Persounenzich op Lëtzebuerg bruecht. D'SNCB huet zanter 1956 sou gutt wéi keng Moderniséierungsaarbechten op der Streck gemaach, wouwéinst se haut déi belsch Haaptstreck mat där niddregster Referenzvitesse ass, also där Vitess déi am Durchschnëtt ka gefuer ginn. Wärend 1956 d'Penten eng Héchstvitesse vun 130 km/h zougelooss hunn, wat deemools vill war, ass d'Héchstvitesse haut nach ëmmer bei 130 km/h, wat d'Streck net grad konkurrenzfäeg mécht. Et ass een haut méi séier vu Bréissel aus zu Stroossbuerg, wann een den Ëmwee mam TGV iwwer Paräis hëlt.

Et gëtt Pläng d'Streck mat enger neier 25kV Wiesselstroumcatenaire z'equipéieren an d'Spannung deementspriechend ze modifizéieren. Mëtt 2011 stoungen déi néi Poteauen um Stéck tëscht der Lëtzebuerger Grenz an der Gare zu Arel a plazeweis tëscht Libramont a Jemelle.