Isobutan

Isobutan
Systemateschen Numm (IUPAC)	2-Methylpropan
Trivialen Numm	Isobutan
Cheemesch Formel	C4H10
Ausgesinn / Geroch	duerchsiichtege Gas
Eegenschaften
Dicht	2.70 kg/m3 bei 0 °C, 1013 hPa
Léislechkeet	0,049 g/l bei 20 °C (am Waasser)
Molmass	58,1 g/mol
Schmëlzpunkt	-159.6 °C
Kachpunkt	-11.7 °C
Thermodynamesch Daten
Standard Formatiounsenthalpie ΔfH0	–134.2 KJ·mol−1
Standardentropie S0	249.7 J·K−1·mol−1
Verbrennungsenthalpie ΔcH0	–2869 KJ·mol−1
Weideres
Änlech Moleküllen	Pentan n-Butan
Cheemesch Famill	Alkanen

Isobutan oder 2-Methylpropan ass e ramifiéierte Kuelewaasserstoff, deen zu den Alkane gehéiert. D'Famill vun de Butane besteet aus zwéin Isomeren, dem n-Butan an dem Isobutan.

Physikalesch Eegenschaften

Isobutan huet keng Faarf a kee Geroch. En ass ganz liicht ze verflëssege wéinst sengem héije Kachpunkt. E gëtt dofir mat wéineg Drock ënner flësseger Form a Gasfläschen transportéiert.

Cheemesch Eegenschaften

Isobutan brennt un der Loft. Mam Sauerstoff gemëscht ass en explosiv. Bei der Verbrennung entsteet Kuelendioxid a Waasser.

$\mathrm {2\,C_{4}H_{10}+13\,O_{2}\rightarrow 8\,CO_{2}+10\,H_{2}O}$

Mat den Halogenen Chlor a Brom forméiert den Isobutan Substitutiounsproduiten.

Virkommen

Isobutan kënnt am Äerdgas an am Pëtrol vir. Donieft entsteet en an de Raffinerien a beim Cracking.

Uwendung

Isobutan ass ee vun den Haaptbestanddeeler vum Flësseggas. E gëtt an Drockfläsche gelagert a mam Butan gemëscht als Brennes benotzt. Gasfläsche mat Isobutan sollen op kille Plaze lageren a vu liichtentzündlechem Material ewechbleiwen. An der Chimie gëtt Isobutan geholl fir Alkylatbenzin hierzestellen.

Auswierkungen op d'Gesondheet

A groussen Dose wierkt Isobutan narkotesch.

Literatur

• Éditions A. De Boeck, Bruxelles, 1979, Chimie organique, A. Dessart - J. Jodogne - J. Paul