Jean-Baptiste Knaff
| Jean-Baptiste Knaff | |
|---|---|
.jpg) | |
| Gebuer |
10. Dezember 1808 Gréiwemaacher |
| Gestuerwen |
1. Mäerz 1882 Gréiwemaacher |
| Nationalitéit | Lëtzebuerg |
| Aktivitéit | Dokter, Politiker |
| Fonctioun | Buergermeeschter |
| Member vun | Assemblée constituante vun 1848, Chamber |
| Famill | |
| Geschwëster | Philippe Knaff |
 | |
De Jean-Baptiste Knaff, gebuer den 10. Dezember 1808 zu Gréiwemaacher, an do gestuerwen den 1. Mäerz 1882, war e lëtzebuergeschen Dokter a Politiker.[1]
No sengem Medezins- a Pharmaziesstudium zu Léiwen huet hie sech, no zwee Joer zu Arel, a senger Heemenchtsstad als Dokter etabléiert.[1]
De Jean-Baptiste Knaff war vun 1852 bis 1854 Deputéierten an der Chamber. 1848 war hien och Member vun der Assemblée constituante.[2] 1842 gouf hie fir d'éischt an de Gemengerot vu Gréiwemaacher gewielt. E gouf 1845 zum Schäffen ernannt a war vun 1869 bis 1874 Buergermeeschter vu Gréiwemaacher.[1]
Do dernierft war hien och Wënzer; him huet ë.a. de Clos du Rocher gehéiert.[1]
Hie war mat der Victorine Heuardt vu Lëntgen bestuet a Papp vun 3 Kanner. Den Historiker an Auteur Philippe Knaff war säin Hallefbrudder.[1]
Referenzen
[Quelltext änneren]- 1 2 3 4 5 (de) R.S., Ärzte einst und jetzt - Landarzt vor 100 Jahren. viewer.eluxemburgensia.lu Säit 3 a Säit 6. d'Lëtzebuerger Land (09.05.1969). Gekuckt de 14.11.2025.
- ↑ Les Députés du Grand-Duché de Luxembourg. op industrie.lu (nogekuckt: 11.10.2025). Baséiert op: La Chambre des députés: histoire et lieux de travail. [Auteurs: Nicolas Als, Robert L. Philippart ; coordination: Guillaume Wagener, Pierre Dillenburg ; conseiller historique: Gilbert Trausch]. Luxembourg 1994, S.507-533.