Jean-Jacques Kasel

Dësen Artikel beschäftegt sech mat dem Jurist Jean-Jacques Kasel. Fir aner Leit mat dem selwechten Numm, kuckt wgl. Jean-Jacques Kasel (Homonymie).

Jean-Jacques Kasel
Gebuer	17. Januar 1946 Lëtzebuerg
Nationalitéit	Lëtzebuerg
Aktivitéit	Riichter
Gielercher	Commandeur vum Ordre de la Couronne de chêne

De Jean-Jacques Kasel, gebuer de 17. Januar 1946 zu Lëtzebuerg, ass e lëtzebuergesche Jurist an Diplomat.

Zulescht war hien, vum 15. Januar 2008 un, wéi en de Romain Schintgen ofgeléist huet, bis uganks Oktober 2013 lëtzebuergesche Riichter um Europäesche Geriichtshaff.

Karriär

• Fonctionnaire an der Direktioun Relations économiques internationales am lëtzebuergeschen Ausseministère (1973-1976)
• Legatiounssekretär bei der lëtzebuergescher Ambassade zu Paräis a bäigeuerdente Vertrieder vu Lëtzebuerg bei der OECD (1976-1979)
• Cabinetschef vum Ausseminister Gaston Thorn (1979-1981)
• Stellvertriedende Cabinetschef vum President vun der Europäescher Kommissioun Gaston Thorn (1981)
• Direkter vum Budget am Generalsekretariat vum Europäesche Ministerrot (1981-1985)
• Direkter vun de politeschen a kulturellen Affären am lëtzebuergeschen Ausseministère (1986-1992)
• Ambassadeur fir Griicheland (mat Residenz zu Lëtzebuerg) (1989)
• Stännege Vertrieder vu Lëtzebuerg beim Europäesche Ministerrot (1992-1993), an du vum Ministerrot vun der Europäescher Unioun (1993-1998)
• Ambassadeur an der Belsch a stännege Vertrieder vu Lëtzebuerg bei der NATO (1998-2002)
• Haffmarschall (2002-2007)
• Member vum Europäesche Geriichtshaff (2008-2013)

(Quell:Säit mat der Presentatioun vun de Membere vun der Cours de Justice vun der EU)

Gielercher

• Commandeur vum Ordre de la couronne de chêne (Promotioun 1998)