Josée Kirps

Josée Kirps
Gebuer	6. November 1959 Lëtzebuerg
Aktivitéit	Historiker
Member vun	Section historique vum Institut grand-ducal
Famill
Geschwëster	Paul Kirps

D'Josée Justine Nicole Kirps, gebuer de 6. November 1959 zu Lëtzebuerg, ass eng fréier Sproochenenseignante an Historikerin.

No hirem Studium zu Montpellier (1979-1984) war si Sproochenenseignante - ënner anerem véier Joer a Portugal - a Mataarbechterin vu Radio Lëtzebuerg. Duerno war si am Kulturministère beschäftegt.

Zanter September 2003 ass d'Josée Kirps Direktesch vum Nationalarchiv. 2006 gouf si membre effectif vun der Section historique vum Institut grand-ducal.

Am September 2022 gouf si als déi nei Presidentin vum internationale Conseil vun den Archiven, dem ICA, gewielt.

Wierk

• (mam Guy May zesummen), Un cadeau royal; Katalog vun der Ausstellung, déi vun der Banque Générale du Luxembourg (BGL) 1990 am deemolege Staatsmusée organiséiert gouf; Lëtzebuerg, 1990; 135 S. (ill.). - De betreffende 'Kaddo' war ee prestigéisen Dëschservice, deen 1883 d'Kinnigin-Groussherzogin Emma geschenkt krut.
• Le château de Walferdange ; in: F.C. Résidence Walferdange 1908-1998; Walfer, 1998; Ss. 21-22 (ill.).
• Mon bureau ; in: paperJam / Management ; Lëtzebuerg, Mee 2010; Ss. 118-119.

Gielchen

• Commandeur vum Ordre de Mérite du Grand-Duché de Luxembourg (Promotioun 2015)

Literatur

• Jean Portante, "'Gardienne de mémoire' - Les portraits du Jeudi: Josée Kirps, directrice des Archives nationales"; in: Le Jeudi, 24. Mee 2006.
• Interview am magazine - le périodique du fonds belval, n° 1 / 2003, S. 15.
• Josiane Kartheiser, "'Ech si frou, datt ech hei sinn' - Josée Kirps, Leiterin der Nationalarchive liebt ihren Job und die Herausforderung"; in: Carrière - Éischte Lëtzebuerger Fraemagazin, Nr. 69 / 2005; Ss. 19-21.