Joséphine Schmoll
| Joséphine Schmoll | |
|---|---|
| Gebuer |
8. Oktober 1836 Lëtzebuerg |
| Gestuerwen |
2. Juni 1925 Lëtzebuerg |
| Alter | 88 Joer |
| Nationalitéit | Lëtzebuerg |
| Aktivitéit | Komponistin, Pianistin, Léierin |
| Famill | |
| Papp | Joseph Schmoll |
| Mamm | Anne Catherine Scheuer |
|
| |
D'Anne Joséphine Schmoll, gebuer den 8. Oktober 1836 an der Stad Lëtzebuerg[1][2], an och do den 2. Juni 1925 gestuerwen, war eng lëtzebuergesch Komponistin a Pianistin. Si gëllt als déi éischt Lëtzebuerger Komponistin.[3]
D'Josephine Schmoll kënnt aus einfache Verhältnesser; hir Eltere waren de Fierwer Joseph Schmoll an d'Anne Catherine Scheuer. Si huet de Conservatoire an der Stad gemaach an huet dono joerzéngtelaang Privatunterrecht a Piano a Gesang ginn. Zäitweileg war si och Primärschoulléierin zu Käerch.
Ënner hire Kompositioune ware Kannerlidder (1883), La valse brillante (1883) a Le premier bouquet (béid fir Blosmuseker), e Jubelmarsch (1891), Le coucou (e Stéck fir Piano), e Lied zur Trösterin (1891) an néng aner reliéis Lidder, fir déi s'och den Text geschriwwen huet. Hire Jubelmarsch a Le premier bouquet goufe reegelméisseg vun der Militärmusek gespillt.
Si ass mat 89 Joer an der Fondation Pescatore gestuerwen. Well si keng Ierwen hat a keen, dee sech ëm hir Successioun gekëmmert huet, ass si an de Vergiess geroden. Déi meescht vun hire Partiture si verschollen. Eréischt an den 2010er Jore gouf si erëmentdeckt.
Um Spaweck
[änneren | Quelltext änneren]- Marie Trussart, Danielle Roster: "Josephine Schmoll: 100. Doudesdag." 100komma7.lu, 06.06.2025.
Referenzen
[Quelltext änneren]- ↑ Guy May: "In Vergessenheit geraten: Die Komponistin Anne Joséphine Schmoll (1836-1925)." Die Warte 08.01.2025, S.2-3.
- ↑ (fr) Naissances, 1834-1837 (Registre) S. 247, Gebuertsschäin 369. Naissances, 1834-1837 (Registre) (10.06.1836). Gekuckt den 09.06.2025.
- ↑ Quell vum Artikel, wou net anescht uginn: SCHMOLL, Anne Joséphine. Luxemburger Musiklexikon Bd.1. Online op melusinapress.lu, nogekuckt: 09.06.2025.
