Op den Inhalt sprangen

Joseph Kalbersch

Vu Wikipedia
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Joseph Kalbersch
Gebuer 10. September 1795
Beeler
Gestuerwen 12. Dezember 1858
Ierpeldeng-Sauer
Alter 63 Joer
Nationalitéit Lëtzebuerg

De Joseph Kalbersch, gebuer den 10. September 1795 zu Beeler, a gestuerwen den 12. Dezember 1858 zu Ierpeldeng op der Sauer[1] war e lëtzebuergesche Geeschtlechen.[2]

Hien ass zu Léck, Münster, Köln a Mainz an de Seminär gaangen, a gouf den 18. August 1818 zum Diakon geweit. Den 18. September 1819 gouf en zu Metz zum Priister geweit. Vun 1819 bis 1827 war hie Paschtouer zu Rouderssen, wou hien och Schoul gehalen huet. 1827 gouf hien an d'Par Ierpeldeng bei Ettelbréck versat, wou e bis zu sengem Doud Paschtouer war.[2]

Den Abbé Kalbersch huet sech géint de Mëssbrauch vun Alkohol engagéiert.[3] Hien huet och Geschichtsfuerschung bedriwwen an eng Chronik vun de Revolutiounsdeeg vun 1848 zu Ettelbréck erausbruecht. Vun 1840 bis zu sengem Doud huet hien am Ierpeldenger Schlass gewunnt, dat bis 1882 am Kierchebesëtz war.[4]

Fir un hien z'erënneren, gouf zu Ierpeldeng eng Strooss, d'Rue Abbé Kalbersch, no him genannt.[5]

Publikatiounen

[änneren | Quelltext änneren]
  • Die Revolution zu Ettelbrück im Jahre 1848. Herausgegeben und mit Anmerkungen versehen von Martin Blum. Sonderdruck aus Ons Hémecht 1907.
  • Gebrauch und Mißbrauch geistiger Getränke, oder Wein und Branntwein im Mittelalter und in unserer Zeit. Nach Urkunden bearbeitet von J. Kalbersch, Pastor zu Erpeldingen. Diekirch 1854, J. A. Schröll. – 1. Theil: Der Wein, 240 S.; 2. Theil: Der Branntwein, 491 S.
  • Hommage à l'abbé Joseph Kalbersch, 1795-1858, à l'occasion de son 200e anniversaire / [layout: René F. Reuter ; textes: Ernest Rassel, Jean-Pierre Fleuschling, Michel J. Wilhelm], - Erpeldingen : Gemeindeverwaltung : Syndicat d'initiative, 1995. - 22 p.
  • Jean Stephany: Joseph Kalbersch (1795-1858), Landpfarrer, Geschichtsforscher und Zeitzeuge. Commune d'Erpeldange 2004, 100 S.

Referenzen

[Quelltext änneren]
  1. ↑ Luxroots. De Kalbersch ass den 12. Dezember 1858 um eng Auer an der Nuecht gestuerwen (Gemeng Ierpeldeng, Stierfakt vum 13. Dezember 1858; AnL). An den zäitgenësseschen Zeitungen an an der Literatur fënnt een oft falsch Daten, z. B. an der Bibliographie luxembourgeoise vum Martin Blum, Bd. 1, S. 499 (Gebuertsdatum: 17. September 1795, Stierfdatum: 11. November 1858).
  2. 1 2 Luxemburger Geschichtskalender. In: Luxemburger Wort, 1895. Jg., nº 345 (11.12.1895), p. 2. [Numérisé par la Bibliothèque nationale du Luxembourg].
  3. ↑ 10 Liter per Kopf! In: Luxemburger Zeitung, nº 342 (08.12.1887), p. 3 [Numérisé par la Bibliothèque nationale du Luxembourg].
  4. ↑ Schloss Erpeldange. In: Revue, 71. Jg., nº 51 (21.12.2016), p. 7 [Numérisé par la Bibliothèque nationale du Luxembourg].
  5. ↑ L-9146; Lokalisatioun op geoportail.lu.