Kabang

E moderne Kabang

E Kabang (fr:cabas oder och cabat), ass e Kuerf mat zwou Schlaufen, dee fréier aus Stréi geflecht gouf, a vun den Hausfrae benotzt gouf fir Kommissiounen ze maachen. D'Stréi gouf no an no duerch schwaarzt Wuesduch an duerno Lieder ersat.

Zu Lëtzebuerg gouf et de Kabang bis Enn der 1950er Joren an enger besonnescher Form, a war a ville Stéit ze fannen. De Kabang war eng Zort Patchwork, e Kuerf deen aus klenge Liederstécker zesummegebutt war. Déi konnte véiereckeg oder sechseckeg sinn, a ware sief et niefteneen oder iwwerenee gebutt.

Haut gi Kabangen a Frankräich ënner dem Numm Cabat verkaaft, a si grouss Akafskierf, déi dacks op Roulette montéiert sinn, a wéi eng Sakkäerchen ausgesinn.