Kallichore (Mound)

Kallichore
(Jupiter XLIV)

Provisoresch oder systematesch Bezeechung	S/2003 J 11
Zentralkierper	Jupiter
Eegenschafte vum Orbit
Grouss Hallefachs	24.043.000 km
Periapsis	17.696.000 km
Apoapsis	30.390.000 km
Exzentrizitéit	0,264
Ëmlafzäit	764,7 Deeg
Ëmlafvitess	2,25 km/s
Inklinatioun	165,5°
Physikalesch Donnéeën
Mëttleren Duerchmiesser	≈2 km
Dicht	2,6 g/cm3
Albedo	0,04
Visuell Magnitude (mag)	23,7
Entdeckung
Entdecker	IFA Hawaii
Entdeckungsdatum	6. Februar 2003

De Mound Kallichore (Jupiter XLIV) ass ee vun de klenge Mounde vum Planéit Jupiter.

Entdeckung

De Mound gouf de 6. Februar 2003 vun Astronome vun der Universitéit vun Hawaii entdeckt. Hie krut ufanks déi virleefeg Bezeechnung S/2003 J 11. Den 30. Mäerz 2005 krut hie säin offiziellen Numm Kallichore vun der I.A.U..

De Mound gouf no der Figur Kallirrhoe aus der griichescher Mythologie genannt.

Bunndaten

De Kallichore kreest a 764,7 Deeg op enger mëttlerer Distanz vu 24.043.000 km ëm de Jupiter. D'Bunn huet eng Exzentrizitéit vun 0,264. Mat enger Inklinatioun vun 165,5° ass d'Bunn retrograd, d. h., de Mound beweegt sech géint d'Rotatiounsrichtung vum Jupiter ëm de Planéit.

Wéinst senge Bunneegenschafte gëtt de Kallichore zu der Carme-Grupp gezielt, genannt nom Jupitermound Carme. De Kallichore ass de baussenzegste Member vun der Grupp.

Physikalesch Daten

De Kallichore huet en Duerchmiesser vun zirka 2 km. Seng Dicht gëtt op 2,6 g/cm³ geschat. Hie besteet warscheinlech haaptsächlech aus Silikatgestengs. Hien huet eng däischter Uewerfläch an eng Albedo vun 0,04, d. h., nëmme 4 % vum agestraalte Sonneliicht gi reflektéiert. Seng visuell Magnitude ass 23,7^m.

Kuckt och

Portal Astronomie

Um Spaweck

• MPEC 2003-E29: S/2003 J 9, 2003 J 10, 2003 J 11, 2003 J 12; S/2003 J 1, 2003 J 6 7. Mäerz 2003 (Entdeckung)
• MPEC 2004-E09: S/2003 J 11 2. Mäerz 2004 (Zeréckentdeckung)