Kevin Misci
| Kevin Misci | |
|---|---|
 De Kevin Misci an engem Musekvideo vu Kiko Van Twist. | |
| Nationalitéit | Lëtzebuerg |
| Aktivitéit | Gittarist |
| Member vun | Serpent Bite, Kivo Van Twist |
 | |
De Kevin Misci ass e lëtzebuergesche Rock‑ a Metal-Museker. Hien ass zënter 2015 de Lead‑ an Rhythmus‑Gittarist vun der Heavy‑Metal‑Band Serpent Bite an huet 2023 säi Soloprojet Kivo Van Twist gestart.
Musikalesch Karriär
[änneren | Quelltext änneren]De Misci huet am Alter vun 12 mat der Musek ugefaangen. Hien nennt den Tony Iommi vu Black Sabbath an den Jimi Hendrix als seng Haaptinspiratiounen. Deenen hir markant Riffs hätten hien dozou bruecht, unzefänken selwer Gittar ze léieren.[1] Als aner Aflëss nennt hie Gruppe wéi Mötorhead, Thin Lizzy, Ghost an Turbonegro.[2]
Ufanksjoren: Equalizator a Ciresius
[änneren | Quelltext änneren]De Kevin Misci huet seng éischt musikalesch Erfarungen an de lëtzebuergesche Metalbands Equalizator a Ciresius gesammelt. Do huet hien d'Basis fir seng musikalesch Entwécklung geluecht, éischt Erfarung op der Bün gesammelt a säi spéidere Stil als Gittarist gepräägt.
De Misci huet Ciresius 2011 mam Bassist Christophe Rippinger an dem Drummer Marcel Zimmer gegrënnt. D'Grupp huet am November 2014 de selwerproduzéierten Album Neptunia verëffentlecht.[3][4]
Serpent Bite
[änneren | Quelltext änneren]2015 huet de Misci d'Rëmelenger Band Serpent Bite matgegrënnt, déi Metal, Punk a Rock'n'Roll kombinéiert. Aner Grënnungsmembere waren de Marcel Zimmer op der Batterie (säin Bandkolleeg vun Ciresius), säi Brudder Tommy Misci hannert dem Mikro, a säi Cousin David Misci op der Bassgittar.[2][1]
Serpent Bite huet 2023 den éischten Album Army of Darkness an 2025 den zweeten Album Nightblade of the Law erausbruecht. D'Band zeechent sech duerch hir Horror‑Thematik an hir Energie-gelueden Optrëtter aus.
Kivo Van Twist
[änneren | Quelltext änneren]Als kreativ Erweiderung zu senger Aarbecht mat Serpent Bite huet de Misci am Joer 2023 säi Solo‑Projet Kivo Van Twist lancéiert. Ënnert dësem Numm exploréiert hien eng Mëschung aus "Vampire Rock" an engem méi däischteren, atmosphäresche Sound. Hien huet eng Rei Singelen a Museksvideoen verëffentlecht, dorënner Twilight Tears am Dezember 2025.
Fir dee Projete schafft hie mat ënnerschiddleche Museker zesummen, déi mat der Zäit änneren.[5]
Referenzen
[Quelltext änneren]- 1 2 (en) Serpent Bite – Interview. petesrocknewsandviews.com (14. Januar 2025). Gekuckt den 2. Juli 2026.
- 1 2 (en) Blitz Quitz, Interviews: Serpent Bite. Pest Webzine (Blog) (2. Mäerz 2025). Gekuckt den 2. Juli 2026.
- ↑ Facebooksäit vun Ciresius
- ↑ LK Ultra, CIRESIUS - Neptunia (Review). You May Be Dead and Dreaming (Blog) (13. Januar 2015). Gekuckt den 2. Juli 2026.
- ↑ (lb) Am Takt: Kevin Misci & Englbrt. rtl.lu (16. Dezember 2024). Gekuckt den 2. Juli 2026.