Kierch Heischent
| ||||
|---|---|---|---|---|
 Filialkierch vun Heischent (2014) | ||||
| Uertschaft / Plaz | Heischent | |||
| Par | Öewersauer Saint-Pirmin | |||
| Dekanat | Norden | |||
| Numm / Patréiner | Hl. Péitrus a Ketten | |||
| Architekt(en) | Ernst van Koenig | |||
| Baujoer | 1853 (Grondsteen) | |||
| Koordinaten | 49° 53’ 14.3’’ N 05° 58’ 38.7’’ O | |||
| Kierchen - Kapellen | ||||
D'Kierch zu Heischent ass eng kathoulesch Kierch déi zur Par Öewersauer Saint-Pirmin, zum Dekanat Norden an zu der Gemeng Esch-Sauer gehéiert.
De Patréiner vun der Kierch ass den hellege Péitrus a Ketten, lat. Sanctus Petrus ad Vincula, den éischte Poopst, deem säi Fest den 1. August gefeiert gëtt.
D'Kierch steet am Zentrum vun der Uertschaft An der Gaass.
Den 12. Februar 2024 gouf s'als national Kulturierfschaft klasséiert.[1]
Geschicht[änneren | Quelltext änneren]
De Grondstee fir déi nei Kierch vun Heischent am neogotesche Stil gouf 1853 geluecht. D'Pläng goufe vum Architekt Ernst van Koenig gemaach, en hollännesche Genieleutnant a.D. deen zu Dikrech gewunnt huet. D'Kierch hat ursprénglech dräi Schëffer, awer d'Fäerdegstellung vun den Aarbechte gouf duerch Problemer tëscht der Gemengeverwaltung an der Kierchefabréck ëm dräi Joer an d'Längt gezunn. Fir déi nei Kierch goufen d'Ariichtunge vun der Virgängerkierch iwwerholl. D'Miwwele stame vum lëtzebuergesche Sculpteur Michael Weiler (1719-1805).
Schonn 1877 war de Bau duerch staark Rëss an de Mauere baufälleg ginn. 1897 goufen d'Säiteschëffer ofgerappt an d'Haaptschëff krut nei Säitemaueren. Nëmmen den Tuerm an de Chouer si bliwwe wéi se waren. Bei enger Renovéierung an de Joren 1974-75 kruten d'Säitemauere vum Schëff Stäiler Eng weider Renovéierung virun allem un der Fassad gouf fir d'150-Joerfeier vun der Kierch gemaach.
Bis de 7. Mee 2017 war d'Kierch vun Heischent och d'Parkierch vun der Par Heischent. Zur fréierer Par Heischent huet ausser der Parkierch vun Heischent och nach d'Kapell vu Mëtscheed an d'Kapell am Heischtergronn gehéiert.
Literatur[änneren | Quelltext änneren]
- Organisatiounskomitee-Jubiläumsjoer Por Heischent: Por Heischent: 150 Joer Porkierch Heischent, 250 Joer Kapell Mëtscheed, 150 Joer Kapell Heischtergronn, 2004, Saint-Paul Luxembourg, 199 S.
Kuckt och[änneren | Quelltext änneren]
- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
Um Spaweck[änneren | Quelltext änneren]
| Commons: Kierch Heischent – Biller, Videoen oder Audiodateien |
- Websäit vun der Par Öewersauer Saint-Pirmin
- D'Kierch op der Websäit vun der Par Öewersauer Saint-Pirmin
- D'Fënstere vun der Kierch vun Heischent op der Websäit vun der Stiftung Forschungsstelle Glasmalerei des 20. Jh. e. V. (de)
- D'Uergel vun der Kierch op Orgues.lu
Galerie[änneren | Quelltext änneren]
-
D'Kierch vu Südoste gesinn -
D'Kierch vun Oste gesinn -
Agank vun der Kierch
Referenzen[Quelltext änneren]
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).